रियाची अटकपूर्व जामीन मिळवण्यासाठी धावपळ, अंकिताचं सूचक ट्विट

मुंबई, २९ जुलै : अभिनेता सुशांत सिंह राजपूत यानं महिन्याभरापूर्वी मुंबईतील त्याच्या राहच्या घरी आत्महत्या केली. सुशांतनं आत्महत्या केल्यानंतर अनेक अनुत्तरित प्रश्नांनी डोकं वर काढलं. ज्याअंतर्गत मुंबई पोलिसांनी काही मोठ्या सेलिब्रिटींची चौकशीही केली. त्यातच आता सुशांतच्या कुटुंबीयांनी थेट पोलिसांत धाव घेत सुशांतची प्रेयसी रिया चक्रवर्ती हिच्याविरोधात एफआरयार दाखल केली आहे. ज्यामुळं तिच्यावर कारवाई होण्याची शक्यता वर्तवण्यात येत आहे.

रियावर एफआयआर दाखल झाल्याचं कळताच बिहार पोलिसांनीही कारवाईसाठी पुढील पावलं उचलत मुंबई गाठली. या सर्व घडामोडी पाहता आता रिया चक्रवर्ती हिनं अटकपूर्व जामीन मिळवण्यासाठीचे प्रयत्न सुरु केल्याचं कळत आहे. रियानं सुशांतची फसवणूक केल्याच्या संशलयायवरुन आणि त्याचा मानसिक छळ केल्याचा आरोप करत तिच्याविरोधात ही तक्रार दाखल करण्यात आली. सुशांतच्या वडिलांनी ही तक्रार दाखल केली असून, यामध्ये तिनं सुशांतला त्याच्या कुटुंबापासून दुरावल्याचा गंभीर आरोपही करण्यात आला आहे.

दुसरीकडे, अभिनेता सुशांत सिंह राजपूतच्या मृत्यूबाबत अनेक तर्कवितर्क लावण्यात आले होते. नेपोटिझम, नैराश्य यांसारख्या अनेक बाबींना सुशांतच्या मृत्यूसाठी जबाबदार धरण्यात आले होते. सुशांतच्या सर्वात जवळच्या व्यक्तींनी देखील आता याबाबत मौन सौडण्यास सुरुवात केली आहे. सुशांतची एक्स-गर्लफ्रेंड आणि अभिनेत्री अंकिता लोखंडे गेल्या दीड महिन्यापासून सोशल मीडियावर सक्रीय नाही आहे. दरम्यान तिने सुशांतच्या मृत्यूबाबत सूचक ट्वीट केले आहे. ‘सत्याचा विजय होतो’, एवढेच ट्वीट करत तिने सुशांतच्या मृत्यूबाबत भाष्य केले आहे.

pic.twitter.com/MLAzdspp1n

— Ankita lokhande (@anky1912) July 29, 2020

News English Summary: As soon as the Bihar police came to know that an FIR had been lodged against Riya, they took further steps and reached Mumbai. Seeing all these developments, it is now clear that Riya Chakraborty has started trying to get pre-arrest bail.

News English Title: Bollywood actor Sushant Singh Rajput suicide case Rhea Chakraborty to file plea for anticipatory bail News Latest Updates.