अविनाश जाधवांना २ दिवसांची पोलीस कोठडी, महाराष्ट्र सैनिकांची एकनाथ शिंदेंविरोधात घोषणाबाजी

ठाणे, १ ऑगस्ट : मनसेचे ठाणे-पालघरचे जिल्हाध्यक्ष अविनाश जाधव यांना ठाणे प्रशासनाने तडीपारीची नोटीस देऊन गुन्हा दाखल केला आहे. याप्रकरणी अविनाश जाधव यांना आज (1 ऑगस्ट) ठाणे कोर्टात हजर करण्यात आले. अविनाश जाधव यांना कापूर बावडी पोलीस ठाण्यातून कोर्टात हजेरीसाठी नेत असताना मनसैनिकांनी त्यांच्यावर फुलांचा वर्षाव केला. यावेळी मनसैनिकांनी ठाण्याचे पालकमंत्री एकनाथ शिंदे यांच्याविरोधात जोरदार घोषणाबाजी केली.

अविनाश जाधव यांना काल (31 जुलै) ठाणे प्रशासनाने तडीपारीची नोटीस देत गुन्हा दाखल केला. यानंतर त्यांना ठाण्यातील कापूर बावडी पोलीस ठाण्यात नेण्यात आले. अविनाश जाधव यांना कोर्टाने दोन दिवसांची पोलीस कोठडी सुनावली आहे. त्यामुळे सोमवारी ३ ऑगस्टपर्यंत अविनाश जाधव यांना पोलीस कोठडीत राहावं लागणार आहे.

“हा सर्व प्रकार राजकारणातील सूड बुद्धीने केलेला आहे. मौका सभी को मिलता है, एकवेळ सत्ता आमची देखील असेल, तेव्हा आम्ही रस्त्यावर उतरु,” असा इशारा मनसे नेते अभिजीत पानसे यांनी दिला. दुसरीकडे मनसेमध्ये ठाण्याचे पालकमंत्री एकनाथ शिंदे यांच्या विरोधात खदखद वाढली असून आगामी काळात त्याचे राजकीय परिणाम देखील दिसतील असं मनसेच्या पदाधिकाऱ्यांनी म्हटलं आहे. स्वतः राज ठाकरे देखील या प्रकरणात लक्ष घालून असल्याचं वृत्त आहे. ठाण्यात कोरोना विक्रम रचत असताना ठाण्याच्या पालकमंत्र्यांवर टीका सुरु झाली होती आणि दुसरीकडे मनसेचे नेते, पदाधिकारी आणि कार्यकर्ते मोठ्या प्रमाणावर लोकांना सहकार्य करताना दिसत होते. त्यामुळे हे राजकीय दबावतंत्र वापरलं गेल्याचं म्हटलं जातंय.

ठाणे : कापूर बावडी पोलीस ठाण्यातून कोर्टातील हजेरीसाठी जाताना मनसे नेते अविनाश जाधव यांच्यावर पुष्पवृष्टी, मनसैनिकांची घोषणाबाजी, ठाणे प्रशासनाकडून जाधव यांना तडीपारीची नोटीस आणि गुन्हा दाखल. pic.twitter.com/6QpGThcCr4

— महाराष्ट्रनामा न्यूज (@MahaNewsConnect) August 1, 2020

News English Summary: While taking Avinash Jadhav from Kapoor Bawdi police station to appear in court, Maharashtra Sainiks showered flowers on him. At this time, Mansainiks shouted slogans against Thane Guardian Minister Eknath Shinde.

News English Title: MNS Avinash Jadhav Tadipar notice get 2 days police custody by thane court News Latest updates.