गोपीनथ मुंडे, न्यायमूर्ती लोया यांच्या मृत्यूचीही सीबीआय चौकशी करा - शिवसेना

मुंबई, ११ ऑगस्ट : सुशांत सिंह राजपूत आत्महत्या प्रकरणात भाजप ज्या पद्धतीने सीबीआय चौकशीची मागणी करत आहे तशीच गोपीनाथ मुंडे आणि न्यायमूर्ती लोया यांच्या मृत्यू प्रकरणाचीही करा, असे शिवसेना खासदार अरविंद सावंत यांनी म्हटले आहे. सुशांत सिंह राजपूत आत्महत्या प्रकरणात राज्याचे पर्यटन मंत्री आदित्य ठाकरे यांचे नाव चर्चेत आणले जात आहे. त्याबाबत आणि बिहार सरकारने हे प्रकरण सीबीआयकडे सोपवले आहे याबाबत एका खासगी वृत्तवाहीणीच्या कार्यक्रमात सावंत बोलत होते.

या वेळी बोलताना अरविंद सावंत म्हणाले की, राज्य सरकारने मागणी केल्याशिवाय सीबीआय चौकशी करु शकत नाही. हे कायद्याचे राज्य आहे. एखाद्या प्रकरणात देशातील कोणत्याही राज्यात अथवा राज्यातील कोणत्याही गावात तक्रार दाखल झाली तर ज्या ठिकाणी घटना घडली आहे त्या पोलीस स्टेशनमध्ये ते प्रकरण वर्ग करतात. मात्र, घटनने घालून दिलेली मर्यादा आणि नियम याला डावलून बिहार पोलिसांनी आणि राज्य सरकारने सुशांत सिंह राजपूत प्रकरणाचा तपासा सीबीआयकडे दिला आहे, असेही अरविंद सावंत या वेळी म्हणाले.

तसेच सुशांत सिंग राजपूत प्रकरणाचा बिहार पोलिसांचा काय संबंध आहे? मुंबई पोलीस या प्रकरणाची सखोल चौकशी करत आहे. बिहार सरकारच्या सांगण्यावरुन सीबीआयकडे तपास सोपवावा हे गरजेचे नाही. या प्रकारामुळे मुंबई पोलिसांचे खच्चीकरण होत आहे. काही लोक सुशांत प्रकरणाला राजकीय रंग देण्याचा प्रयत्न करत आहेत. कुणीही उठावं आणि सीबीआय चौकशी लावावी असं झालं तर याला काही अर्थ नाही. देशाच्या संविधानालाच धक्का देणार का? अशी टीका शिवसेना खासदार अरविंद सावंत यांनी भाजपावर केली आहे.

News English Summary: Shiv Sena MP Arvind Sawant has said that the BJP should demand a CBI probe into the Sushant Singh Rajput suicide case as well as the deaths of Gopinath Munde and Justice Loya.

News English Title: Along with Sushant Singh Rajput CBI Should Investigate Gopinath Munde and Justice Loya Case Also said ShivSena News Latest Updates.