त्यांना डॉक्टरांपेक्षा जास्त कळतं म्हणाले | मग म्हणाले डॉक्टरांना काही कळत नाही - केदार शिंदे

मुंबई, १७ ऑगस्ट : मी डॉक्टरांचा कोणताही अपमान केलेला नाही. शाब्दिक कोटी आणि अपमान यांच्यातला फरक आपल्याला कळायला हवा, असे वक्तव्य शिवसेना नेते संजय राऊत यांनी केले. ते सोमवारी मुंबईत प्रसारमाध्यमांशी बोलत होते. संजय राऊत यांनी नुकत्याच एका वृत्तवाहिनीला दिलेल्या मुलाखतीत कंपाऊडरला डॉक्टरपेक्षा जास्त ज्ञान असते, अशा आशयाचे विधान केले होते. संजय राऊत यांच्या या वक्तव्यानंतर डॉक्टरांच्या काही संघटना आक्रमक झाल्या होत्या.

‘डॉक्टरांपेक्षा कम्पाउंडर बरा’ अशा वक्तव्यापूर्वी त्यांनी मुख्यमंत्री उद्धव ठाकरेंची मुलाखत घेताना त्यांना डब्लूएचओ पेक्षा उद्धव ठाकरेंना अधिक ज्ञान आसायचा साक्षात्कार झाला होता. त्यावेळी देखील खासदार संजय राऊत यांच्यावर टीका झाली होती. सध्या याच डॉक्टरांबद्दलच्या विधानावरून त्यांना राजकीय पक्ष, डॉक्टरांच्या संघटना आणि आता कलाक्षेत्रातील लोकं लक्ष करत आहेत.

मराठी चित्रपट श्रुष्टीतील प्रसिद्ध दिग्दर्शक केदार शिंदे यांनी संजय राऊतांच्या दोन्ही विधानांचा संदर्भ घेऊन त्यांची ट्विटरवर नाव न घेता फिरकी घेतली आहे. त्यांनी मिश्किल ट्विट करताना म्हटलं आहे की, “त्यांना डॉक्टरांपेक्षा जास्त कळतं म्हणाले. मग म्हणाले ,डॉक्टरांना काही कळत नाही.. #confusion”

त्यांना डॉक्टरांपेक्षा जास्त कळतं म्हणाले. मग म्हणाले ,डॉक्टरांना काही कळत नाही.. #confusion

— Kedar Shinde (@mekedarshinde) August 17, 2020

News English Summary: Kedar Shinde, a well-known director in the Marathi film industry, has taken to Twitter without mentioning his name, referring to both the statements of Sanjay Raut. He said in a mischievous tweet that he knew more than a doctor. Then he said the doctor didn’t know anything

News English Title: Marathi Film director Kedar Shinde criticized Shivsena MP Sanjay Raut over doctors statement News Latest Updates.