मध्य प्रदेशात भाजपचा मनसेबाणा | राज्यात सरकारी नोकरी फक्त भूमिपुत्रांनाच

भोपाळ, १८ ऑगस्ट : मध्य प्रदेशमधल्या शिवराजसिंह चौहान यांच्या भाजप सरकारने एक मोठा निर्णय घेतला आहे. राज्यात आता सरकारी नोकरी ही फक्त स्थानिक तरुणांनाच मिळेल अशी घोषणा चौहान यांनी केली आहे. लवकरच असा कायदा करण्यात येणार असल्याचं त्यांनी म्हटलं आहे. महाराष्ट्रात मनसेचे अध्यक्ष राज ठाकरे हाच भूमिपूत्राचा मुद्दा मांडत असतात. त्यामुळे भाजप सरकारने राज ठाकरे यांच्या धोरणासारखीच ही घोषणा केल्याचं बोललं जातं आहे.

चौहान म्हणाले जे राज्याचे रहिवाशी आहेत त्यांनाच फक्त आता राज्यात सरकारी नोकऱ्या मिळतील. इतरांना मिळणार नाहीत. राज्यातल्या तरुणांना रोजगार मिळावा यासाठी हा निर्णय घेण्यात आल्याचंही त्यांनी सांगितलं. “मध्य प्रदेश सरकारने आज महत्त्वाचा निर्णय घेतला आहे. राज्यातील तरुणांनाच सरकारी नोकरी मिळावी यासाठी आम्ही कायदेशीर पाऊलं उचलणार आहोत. राज्यातील संसाधनं फक्त मध्य प्रदेशातील मुलांनाच मिळाली पाहिजेत,” असं शिवराज सिंग यांनी म्हटलं आहे.

मेरे प्यारे भांजे-भांजियों! आज से मध्यप्रदेश के संसाधनों पर पहला अधिकार मध्यप्रदेश के बच्चों का होगा। सभी शासकीय नौकरियाँ सिर्फ मध्यप्रदेश के बच्चों के लिए ही आरक्षित रहेंगी। हमारा लक्ष्य प्रदेश की प्रतिभाओं को प्रदेश के उत्थान में सम्मिलित करना है।#MPjobs4MPstudents pic.twitter.com/f0DEkpAvxh

— Shivraj Singh Chouhan (@ChouhanShivraj) August 18, 2020

शिवराज सरकारकडून येणाऱ्या नव्या कायद्यांतर्गत 15 ऑगस्ट 2020 पर्यंत 89 निश्चित केलेल्या भागांतील अनुसूचित जमातीच्या नागरिकांना लायसन नसलेल्या सावकाराकडून घेतलेले कर्ज फेडावे लागनार नाही. आता सावकारांना कर्ज भरण्यासाठी दबावही टाकता येणार नाही. एवढेच नाही, तर कर्जाच्या बदल्यात काही वस्तू अथवा दस्तऐवज गहाण ठेवले असतील तर तेही त्यांना परत करावे लागतील.

News English Summary: Government jobs in Madhya Pradesh will be reserved for the people of the state, Chief Minister Shivraj Singh Chouhan said today, announcing a decision that could be controversial at a time thousands across the country are facing a job crisis during the coronavirus pandemic.

News English Title: Madhya Pradesh CM Shivraj Chouhan Says Government Jobs For Locals Only News Latest Updates.