एमडीचे शिक्षण घेणाऱ्या डॉक्टर तरुणीची यूपीत निर्घृण हत्या | आरोपी डॉक्टर ताब्यात

लखनऊ, २० ऑगस्ट : एमडीचे शिक्षण घेणाऱ्या डॉक्टर तरुणीच्या हत्याकांडाने उत्तर प्रदेश हादरले आहे. आग्रा येथील सरोजिनी नायडू मेडिकल कॉलेजमध्ये एमडी करणारी डॉक्टर योगिता गौतम हिची निर्घृण हत्या झाल्याचा प्रकार समोर आला आहे.

मृतदेहाची ओळख पटल्यानंतर ही बातमी पसरली तेव्हा एसएन मेडिकल कॉलेजचे सहकारी डॉक्टरही अवाक झाले. एसएन मेडिकल कॉलेजमध्ये पदव्युत्तर शिक्षण घेत असलेल्या डॉक्टर योगिता गौतमची डोके चिरडून हत्या करण्यात आली.

पोलिसांनी मृतदेह सापडल्य़ाचे तिच्या वडिलांना कळविले. यानंतर वडील आणि भाऊ आग्र्याला पोहोचले. त्यांनी आग्रा एमएम गेट पोलीस चौकीमध्ये मुलगी बेपत्ता असल्याचा गुन्हा दाखल केला. तिच्या वडिलांनी आरोप केला की, उरई मेडिकल कॉलेजचा मेडिकल ऑफिसर डॉ. विवेक तिवारी योगिताला प्रेमसंबंधांसाठी त्रास देत होता. तो योगिताला ठार मारण्याची धमकी देत होता. यानंतर पोलिसांनी योगिताचा मृतदेह सापडला त्या भागीतील सीसीटीव्ही फुटेज शोधले. यामुळे पोलिसांच्या हाती विवेकविरोधात पुरावे सापडले आहेत.

पोलिसांनी सायंकाळी विवेक तिवारीला ताब्यात घेतले असून पोस्टमार्टेम अहवालात योगिताच्या डोके आणि गळ्यावर जखमा आहेत. तसेच ती प्राण वाचविण्यासाठी झगडल्याचे म्हटले आहे. योगिताच्या सहकारी डॉक्टरांनी आरोपीला कठोर शिक्षा देण्याची मागणी केली आहे. यामुळे काही काळ एसएन मेडिकल कॉलेजमधील रुग्णसेवाही प्रभावित झाली होती.

News English Summary: Uttar Pradesh is shaken by the murder of a young doctor studying MD. Doctor Yogita Gautam, MD of Sarojini Naidu Medical College in Agra, has been brutally murdered.

News English Title: Murder of young lady doctor Yogita Gautam in one sided love at Agra Delhi News latest Updates.