भारतात घुसखोरीचा प्रयत्न करणाऱ्या ५ जणांना जवानांनी ठार केलं | BSF'ची कारवाई

चंदीगड, २२ ऑगस्ट : भारतात घुसखोरी करण्याचा प्रयत्न करणाऱ्या पाच जणांना सीमा सुरक्षा दलाच्या (बीएसएफ) जवानांनी ठार केलं आहे. पंजाबमध्ये भारत-पाकिस्तान सीमारेषेवर ही कारवाई करण्यात आली. घुसखोर सीमारेषा पार करुन भारतात शिरण्याचा प्रयत्न करत असतानाच बीएसएफच्या जवानांनी त्यांना पाहिलं. यावेळी करण्यात आलेल्या कारवाईत घुसखोर ठार झाले. बीएसएफकडून ट्विट करत ही माहिती देण्यात आली आहे.

22 Aug 2020#BSF#Punjab

Alert troops of 103 Bn #BSF noticed suspicious movement of intruders violating IB. Upon being challenged to stop, intruders fired upon #BSF troops who retaliated in self defence. Resultantly, 05 intruders were shot. Intensive search ops is underway. pic.twitter.com/qwN5UoWC1A

— BSF PUNJAB (@BSF_Punjab) August 22, 2020

बीएसएफच्या १०३ बटालियनच्या जवानांनी भारत-पाकिस्तान सीमेजवळ डल सीमा चौकीवर काही संशयास्पद हालचाली पाहिल्या. यानंतर पहाटे 4.45 वाजता बीएसएफच्या जवानांवर गोळीबार करण्यात आला. याला जवानांनी चोख प्रत्यूत्तर दिले. सकाळी या भागातून पाच पाकिस्तानी घुसखोरांचे मृतदेह ताब्यात घेण्यात आले आहेत. हे घुसखोर तस्कर होते की दहशतवादी याबाबत तपास सुरु असून अन्य परिसरातही शोधमोहिम तीव्र करण्यात आल्याचे अधिकाऱ्यांनी सांगितले.

News English Summary: Alert troops of 103 Bn BSF noticed suspicious movement of intruders violating IB. Upon being challenged to stop, intruders fired upon BSF troops who retaliated in self defence. Reluctantly, 05 intruders were shot. Intensive search ops is underway.

News English Title: Infiltrators Shot Dead BSF Along The Border With Pakistan In Punjab News Latest Updates.