दाऊदला कोणत्याही परिस्थितीत भारतात आणा | रोहित पवारांची मोदींकडे मागणी

पुणे, २३ ऑगस्ट : कुख्यात दहशतवादी दाऊद इब्राहिम सध्या पाकिस्तानमधील कराची शहरात असल्याचं उघड झालं आहे. त्यामुळे त्याला कोणत्याही परिस्थितीत भारतात आणा, अशी विनंती राष्ट्रवादीचे आमदार रोहित पवार यांनी केली आहे. रोहित पवार यांनी ट्विटरवर पंतप्रधान नरेंद्र मोदी यांना टॅग करुन ही मागणी केली आहे.

“दाऊद इब्राहीम कराचीत असल्याचं पाकिस्तानं कबूल केलं आहे. त्याला भारतात आणण्यासाठी सर्वोत्तोपरी प्रयत्न करा, अशी मी पतंप्रधान नरेंद्र मोदींना विनंती करतो. दाऊदला कुठल्याही परिस्थितीत भारतात आणा”, असं रोहित पवार म्हणाले आहेत.

Now that Pakistan has accepted Dawood Ibrahim is indeed in Karachi, I would request Hon’ble PM @narendramodi ji to do everything possible for bringing him to justice.
Let’s get him on Indian Soil at any cost.

— Rohit Pawar (@RRPSpeaks) August 23, 2020

दाऊद इब्राहिम कराचीतच असल्याचं पाकिस्तानने आता कबूल केलं आहे. त्यामुळे दाऊदला भारतात आणा. कोणत्याही परिस्थितीत आणा, अशी मागणी रोहित पवार यांनी पंतप्रधान नरेंद्र मोदी यांच्याकडे केली आहे. दरम्यान, पाकिस्तानने पहिल्यांदाच दाऊद पाकिस्तानात असल्याची कबुली दिली आहे. आंतरराष्ट्रीय दहशतवादाला रसद पुरवणाऱ्यांवर देखरेख ठेवणाऱ्या ‘फायनान्शिअल अॅक्शन टास्क फोर्स’ या संस्थेच्या ग्रे लिस्टमधून बाहेर येण्यासाठी पाकिस्तानची धडपड सुरू आहे. पाकिस्तानने ८८ दहशतवादी संघटनांवर, व्यक्तींवर बंदी, निर्बंध घातले आहेत. त्याबाबतची यादी प्रसिद्ध करण्यात आली. या यादीत दाऊद इब्राहिमचा पत्ता देण्यात आला आहे. दाऊद इब्राहिमचा पत्ता हा ‘व्हाइट हाउस, सौदी मशीदजवळ, क्लिफ्टन, कराची’ असा देण्यात आला आहे. मागील अनेक वर्षांपासून दाऊद इब्राहिम हा पाकिस्तानात असल्याचा दावा भारताकडून करण्यात येतो. मात्र, पाकिस्तानने हा दावा फेटाळून लावला होता. आता मात्र, ‘फायनान्शिअल अॅक्शन टास्क फोर्स’च्या कार्यवाहीमुळे पाकिस्तानचे पितळ उघडे पडले आहे.

News English Summary: Notorious terrorist Dawood Ibrahim is currently in Karachi, Pakistan. Therefore, bring him to India under any circumstances, has been requested by NCP MLA Rohit Pawar. Rohit Pawar has made this demand by tagging Prime Minister Narendra Modi on Twitter.

News English Title: Bring underworld Don Dawood Ibrahim back said NCP MLA Rohit Pawar News Latest Updates.