IPL 2020 | चेन्नईला मोठा धक्का | खेळाडू आणि सहकाऱ्यांना कोरोना

नवी दिल्ली, २८ ऑगस्ट : आयपीएल सुरू होण्याआधीच चेन्नईच्या टीमला मोठा धक्का बसला आहे. चेन्नईच्या टीममधल्या १३ जणांना कोरोना झाल्याची धक्कादायक माहिती समोर आली आहे. यातला १ खेळाडू बॉलर, तर उरलेले १२ जण सपोर्ट स्टाफमधले असल्याचं सांगितलं जात आहे. इंडिया टुडेने याबाबतचं वृत्त दिलं आहे. कोरोना झालेल्या सगळ्यांची प्रकृती स्थिर असल्याचंही सांगितलं जात आहे. कोरोना झालेल्या सगळ्यांना विलगीकरणात ठेवण्यात आलं आहे.

दुबईत दाखल झालेल्या चेन्नईच्या खेळाडूंनी नियमाप्रमाणे आपला ६ दिवसांचा क्वारंटाइन कालावधी पूर्ण केला आहे. परंतू संघातील सदस्यांचा करोना अहवाल पॉझिटीव्ह आल्यामुळे चेन्नईच्या खेळाडूंनी सरावाला सुरुवात केलेली नाही. राजस्थान, पंजाब यासारख्या संघांनी आपला क्वारंटाइन कालावधी पूर्ण केल्यानंतर सरावाला सुरुवात केली आहे. दुबईत दाखल झाल्या-झाल्या सर्व खेळाडू आणि सपोर्ट स्टाफची करोचा चाचणी करण्यात आली होती. मात्र संघातील सपोर्ट स्टाफमधले १२ सदस्य आणि एका खेळाडूला करोनाची लागण झाल्यानंतर चेन्नईच्या संघाने क्वारंटाइन कालावधी आठवडाभरासाठी वाढवला आहे.

”युरोपात फुटबॉलच्या सामन्यांची सुरूवात झाली, तेव्हाही काही खेळाडू कोरोना पॉझिटिव्ह आढळले होते. त्यानुसार आयपीएलमधील ८ फ्रँचायझींची १००० हून अधिक सदस्य आहेत आणि येथेही तशी शक्यता नाकारता येत नाही. कोणत्याही संघासोबत असं घडू शकतं. सर्व प्रकारची खबरदारी घेतल्यानंतर आमचा एक सदस्य कोरोना पॉझिटिव्ह आढळला, हे दुर्दैव म्हणावं लागेल,”असं सूत्रांनी सांगितले.

News English Summary: Members of the Chennai Super Kings (CSK) contingent have tested positive for the dreaded coronavirus. This will come as a huge blow to CSK who were supposed to start training in Dubai from Friday. Sources confirmed the news to TOI even though the names of the players, support staff and officials are not yet disclosed officially.

News English Title: Dream11 IPL 2020 1 Chennai Super Kings Player 12 Support Staff Members Test Coronavirus Positive News latest Updates.