न्यायालयाच्या निर्णयानंतर आपल्या वकिलांनी 1 रुपयाचं योगदान तात्काळ स्वीकारलं - प्रशांत भूषण

नवी दिल्ली, ३१ ऑगस्ट : सर्वोच्च न्यायालयाचा कारभार व सरन्यायाधीश शरद बोबडे यांच्या विरोधात दोन ट्विटद्वारे शेरेबाजी करणारे ज्येष्ठ विधिज्ञ प्रशांत भूषण यांना न्यायालयानं शिक्षा सुनावली आहे. १ रुपयांचा दंड भरण्याचे आदेश त्यांना न्यायालयानं दिले आहेत. भूषण यांना दंड भरण्यासाठी १५ सप्टेंबरपर्यंतची मुदत देण्यात आली आहे. या कालावधीत दंड न भरल्यास त्यांना ३ महिन्यांचा तुरुंगवास होऊ शकतो. याशिवाय ३ वर्षांपर्यंत त्यांची प्रॅक्टिसदेखील रद्द केली जाऊ शकते.

यानंतर प्रशांत भूषण यांनी लगेचच एक ट्विट केलं. प्रशांत भूषण यांनी ट्विट करत न्यायालयाच्या निर्णयानंतर आपले वकील आणि ज्येष्ठ सहकारी राजीव धवन यांनी एक रुपयाचं योगदान दिलं असून आपण ते तात्काळ स्वीकारलं असल्याचं म्हटलं आहे.

My lawyer & senior colleague Rajiv Dhavan contributed 1 Re immediately after the contempt judgement today which I gratefully accepted pic.twitter.com/vVXmzPe4ss

— Prashant Bhushan (@pbhushan1) August 31, 2020

News English Summary: Prashant Bhushan immediately tweeted. Prashant Bhushan tweeted that after the court’s decision, his lawyer and senior colleague Rajiv Dhawan had contributed one rupee and said that he had accepted it immediately.

News English Title: Prashant Bhushan Tweet After Supreme Court Imposes Rs 1 Fine On In Contempt Case News latest Updates.