राज्य सरकार बरखास्त करुन राष्ट्रपती राजवट लागू करा | माजी नौदल अधिकाऱ्याची मागणी

मुंबई, १५ सप्टेंबर : शिवसैनिकांनी मारहाण केल्याप्रकरणी माजी नौदल अधिकारी मदन शर्मा राज्यपाल भगतसिंह कोश्यारी यांच्या भेटीला पोहोचले होते. राज्यपालांकडे आपण राज्य सरकार बरखास्त करुन राष्ट्रपती राजवट लागू करण्याची मागणी केली असल्याची माहिती त्यांनी भेटीनंतर प्रसारमाध्यमांशी बोलताना दिली. भाजपा नेते अतुल भातखळकरदेखील यावेळी त्यांच्यासोबत उपस्थित होते. महाराष्ट्र सरकारने माफी मागितली पाहिजे असं ते म्हणाले आहेत.

Maharashtra: Madan Sharma, retired Navy officer who was beaten up allegedly by Shiv Sena workers in Mumbai, met Governor Bhagat Singh Koshyari at Raj Bhavan today. pic.twitter.com/wYRMzR7uhS

— ANI (@ANI) September 15, 2020

शिवसेना कार्यकर्त्यांकडून झालेल्या मारहाणीनंतर, उद्धव ठाकरेंच्या सर्व कार्यकर्त्यांनी देशाची माफी मागावी, अशी मागणीही मदन शर्मा यांनी केली होती. मदन शर्मांनी पत्रकारांशी संवाद साधताना त्यांची व्यथा मांडली. ‘मी जखमी आहे. तणावात आहे. जे घडलं ते अतिशय दु:खद आहे. मला उद्धव ठाकरेंना एक गोष्ट अतिशय स्पष्ट शब्दांत सांगायची आहे. तुम्हाला कायदा-सुव्यवस्था राखता येत नसेल, तर राजीनामा द्या. ही जबाबदारी कोणाला द्यायची ते लोकांना ठरवू दे,’ असं शर्मा म्हणाले. ‘अशी घटना घडू नये. उद्धव ठाकरेंच्या प्रत्येक कार्यकर्त्यानं देशाची माफी मागायला हवी,’ अशी मागणी त्यांनी केली होती. त्यानंतर, आज राजभवन येथे जाऊन मदन शर्मा यांनी राज्यपाल भगतसिंग कोश्यारी यांची भेट घेऊन आपली बाजू मांडली.

दरम्यान, अतुल भातखळकर यांनी यावेळी मुख्यमंत्री उद्धव ठाकरे आणि शिवसेनेने संपूर्ण महाराष्ट्राची माफी मागावी अशी मागणी केली. तसंच मारहाणीचं समर्थन करणाऱ्या अनिल परब यांनी मंत्रिमंडळात राहण्याचा अधिकार नाही अशी टीका केली.

News English Summary: Madan Sharma, the retired Naval officer who was attacked by Shiv Sena workers last week for sharing a cartoon mocking Maharashtra chief minister Uddhav Thackeray, met Maharashtra governor Bhagat Singh Koshiyari at Raj Bhavan on Tuesday. Sharma, accompanied by some Bharatiya Janata Party (BJP) leaders and ex-servicemen, complained to Koshiyari that the Uddhav Thackeray government was treating the suspects with kid gloves.

News English Title: Navy Veteran Who Was Attacked By Shivsainiks Madan Sharma Demands President Rule In Maharashtra Marathi News LIVE latest updates.