राज्य सरकार आक्रमक | विशेषाधिकार उल्लंघन प्रकरणी अर्णब गोस्वामीला ६० पाणी पत्रं

मुंबई, १७ सप्टेंबर : रिपब्लिक टिव्हीचे संपादक अर्णब गोस्वामी यांच्याविरोधात हक्कभंग प्रस्ताव सादर करण्यात आला होता. शिवसेनेचे आमदार प्रताप सरनाईक यांनी नियम २७३ अन्वये विशेषाधिकार भंगाचा प्रस्ताव आणला होता आणि त्याला मंजुरी देण्याची मागणी सरनाईक यांनी केली होती.

सुशांत सिंह राजपूत आत्महत्या प्रकरणाबाबत अर्णब गोस्वामी आणि त्यांच्या रिपब्लिक टीव्ही या वृत्तवाहिनीने सातत्याने वृत्तांकन केले आहे. मात्र यादरम्यान, अर्णव गोस्वामी यांनी महाराष्ट्र सरकार, मुख्यमंत्री उद्धव ठाकरे आणि शिवसेनेविरोधात सातत्याने टीका केली होती. तसेच अनेकदा मुख्यमंत्री उद्धव ठाकरे आणि गृहमंत्री अनिल देशमुख यांना आव्हान देण्याची भाषा केली होती.

प्रताप सरनाईक यांच्या या प्रस्तावानंतर विधानसभेत गदारोळ पाहायला मिळाला होता. या प्रस्तावानंतर भाजपानं गदारोळ घातला होता. दरम्यान, राज्य सरकार आणि जनतेचा अवमान असल्याचं सरनाईक यांनी सांगितलं होतं. “अर्णब गोस्वामी हेतुपुरस्सर बोलत आहेत. सुशांत सिंह मृत्यूप्रकरणाशी नेत्यांचा काहीही संबंध नाही. ते कपोलकल्पित बोलून स्वातंत्र्याच्या नावाखाली दिशाभूल करत आहेत. रिपब्लिक टीव्ही ही वृत्तवाहिनी बंद करण्यात यावी,” अशी मागणी सरनाईक यांनी प्रस्ताव मांडताना केली होती.

मात्र त्यानंतर महाराष्ट्र सरकारकडून अर्णब गोस्वामीला विशेषाधिकार उल्लंघन प्रकरणी ६० पाणी पत्रं धाडल्याने महाविकास आघाडी सरकार आक्रमक झाल्याचं पाहायला मिळत आहे. त्यामुळे अर्णब गोस्वामी याला कसं प्रतिउत्तर देणार ते पाहावं लागणार आहे.

#BREAKING | Maharashtra Assembly sends a 60-page letter to Arnab Goswami on breach of privilege.

Watch here – https://t.co/rGQJsiKgt2

— Republic (@republic) September 17, 2020

News English Summary: A motion for breach of privilege was moved in the Maharashtra Assembly against Republic TV’s Managing Director and Editor-in-Chief Arnab Goswami on Tuesday (September 8). A similar motion was moved in the Maharashtra Legislative Council against actor Kangana Ranaut. The truncated two-day Monsoon Session having ended on Tuesday, the motions could not be taken up by the lawmakers.

News English Title: Maharashtra Assembly sends a 60 page letter to Arnab Goswami on breach of privilege Marathi News LIVE latest updates.