कांदा निर्यात बंदीने राज्य भाजपचीही कोंडी | पवारांसोबत दानवे पंतप्रधानांची भेट घेणार

मुंबई, १८ सप्टेंबर : केंद्र सरकारच्या वाणिज्य मंत्रालयाने कांदा निर्यात बंदी घोषित केल्यामुळे शेतकऱ्यांमध्ये संतापाची भावना निर्माण झाली आहे. राज्यातील विविध शेतकरी संघटनांनी याचा विरोध केला आहे. कांदा उत्पादकांना याचा जबर फटका बसणार असल्यानं महाराष्ट्रातील सत्ताधारी नेत्यांसह भाजपातील नेत्यांनीही नाराजी व्यक्त केली आहे. आता, केंद्रीयमंत्री आणि भाजापा नेते रावसाहेब दानवे यांनी राष्ट्रवादीचे सर्वेसेवा शरद पवार यांनी भेट घेऊन यासंदर्भात चर्चा केली आहे. या प्रश्नाबाबत पंतप्रधान नरेंद्र मोदींना भेटणार असल्याचं दानवेंनी सांगितलं.

एबीपी माझाशी बोलताना रावसाहेब दानवे यांनी सांगितलं की, “राज्यात साखर कारखान्यांचा प्रश्न निर्माण झाला आहे. अनेक कारखान्यांचे अकाऊंट एनपीएमध्ये गेले आहेत. अशा परिस्थितीत हे कारखाने सुरु करण्यासाठी बँका पैसे उपलब्ध करुन देण्यास तयार नाहीत. ऊसाचं पीक यावर्षी मोठ्या प्रमाणात आलं आहे. पुढच्या काळात शेतकरी अडचणीत येऊ नये. त्याचा संपूर्ण ऊस गाळला जावा यासाठी बँकांशी काय चर्चा करता येईल? राज्य सरकारने काय केलं पाहिजे? केंद्र सरकारच्या नेत्यांना भेटून काही करता येईल का? या विषयावर माझी आणि पवारांची चर्चा झाली”.

देवेंद्र फडणवीस पियुष गोयल यांना पत्र लिहले असून आता रावसाहेब दानवे यांनीही राज्यातील शेतकऱ्यांच्या समस्या जाणून घेण्यासाठी राज्यातील ज्येष्ठ नेते खासदार शरद पवार यांची भेट घेतली. तसेच, मंगळवारनंतर शरद पवार आणि माझ्या नेतृत्वात एक शिष्टमंडळ पंतप्रधान नरेंद्र मोदींनी भेट घेणार असल्याचंही दानवे यांनी सांगितलं. दानवे यांनी आपल्या ट्विटर अकाऊंवरुन शरद पवारांच्या भेटीचा फोटो शेअर करत, यासंदर्भात माहिती दिली.

साखर कारखान्यांच्या अडचणी आणि कांदा उत्पादक शेतकऱ्यांच्या समस्यांवर आज शरदचंद्रजी पवार साहेब यांच्या सोबत चर्चा झाली. दोघांच्या नेतृत्वात एक शिष्टमंडळ मंगळवार नंतर या विषयासंदर्भात पंतप्रधान श्री नरेंद्र मोदी जी यांची भेट घेणार आहे.@PawarSpeaks pic.twitter.com/EqESU3vtDH

— Raosaheb Patil Danve (@raosahebdanve) September 17, 2020

News English Summary: Raosaheb Danve also called on senior state MP Sharad Pawar to learn about the problems of farmers in the state. He also said that a delegation led by Sharad Pawar and Prime Minister Narendra Modi would meet him on Tuesday. Danve shared a photo of Sharad Pawar’s visit from his Twitter account.

News English Title: BJP MP Raosaheb Danve On Meeting With NCP Chief Sharad Pawar Marathi News LIVE latest updates.