महिला अत्याचाराविरोधात योगी आक्रमक | दुसरीकडे भाजप पदाधिकाऱ्यांकडून महिलेचं लैंगिक शोषण

लखनौ, २४ सप्टेंबर: उत्तर प्रदेशात महिलांवरील अत्याचाराच्या घटनांमध्ये वाढ झाली आहे. यावरून आता मुख्यमंत्री योगी आदित्यनाथ यांनी आक्रमक पवित्रा घेतला आहे. मुख्यमंत्री योगी आदित्यनाथ यांनी महिलांविरोधात होणाऱ्या गुन्ह्यांना आळा घालण्यासाठी मोठा निर्णय घेतला आहे.

राज्यात यापुढे कोणालाही महिलांची छेड काढण्याच्या गुन्ह्याखाली अटक करण्यात आल्यानंतर शहरामध्ये त्या आरोपीचे पोस्टर लावण्यात येणार आहेत. याबाबत मुख्यमंत्र्यांनी पोलिसांना आदेश दिले आहेत. महिलांची छेड काढणाऱ्यांचे फोटो लावण्याच्या पोलिसांच्या या मोहिमेला ‘मिशन दुराचारी’ असं नाव देण्यात आलं आहे. या सर्व मोहिमेची जबाबदारी पोलीस खात्याकडे देण्यात आली आहे.

दुसरीकडे भाजपच्या महिला पदाधिकारी असलेल्या महिलेने पक्षातील वरिष्ठ पदाधिकाऱ्यांवर लैंगिक शोषणाचे आरोप लावले आहेत. अलीगढ ठाणे क्षेत्रातील देहली गेट परिसरातील उस्मानपाडाच्या रहिवाशी असलेल्या महिला अध्यक्षा फरहीन मोहसीन यांनी वरिष्ठ पदाधिकाऱ्यांवर हे आरोप लावले आहेत.

भाजपा अल्पसंख्यांक मोर्चाचे महानगर अध्यक्ष इमरान अलीम सैफी यांनी खराब नियत ठेऊन आपले शोषण केल्याचे फरहान यांनी म्हटले आहे. फरहीन यांनी विरोध केल्यानंतर त्यांच्या घरी काही गुंडांना पाठवून मारहाण करण्यात आली, ही संपूर्ण घटना सीसीटीव्हीत कैद झाली आहे.

फरहीन मोहसीन यांनी सांगितले की, मी 2013 पासून भाजपाची सक्रीय सदस्य असून अल्पसंख्यांक मोर्चाचे अध्यक्ष इमरान अलीम सैफी यांच्यासमवेत महानगराची महिला अध्यक्ष आहे. मी भाजपासाठी काम करत असून काहींना ते पाहवत नाही. त्यामुळे, या लोकांकडून मला सातत्याने या ना त्या मार्गाने त्रास देण्यात येत आहे. माझ्या व्यवसायालाही पूर्णपणे बंद करण्याचं काम याच लोकांनी केलं. गेल्यावर्षी माझ्या पतीसोबत मारहाण करण्यात आली होती. त्यानंतर, आता 21 सप्टेंबर रोजीही पुन्हा मला व माझ्या पतीला मारहाण करण्यात आली आहे. इमरान अली सैफीची वाईट नजर माझ्यावर होती. जर, तू माझं ऐकशील तर मी तुला मोठ्या पदापर्यंत पोहोचवले, असे ते म्हणत. मात्र, मी त्यांचं न ऐकल्यामुळे मला त्यांच्या टीममधून बाहेर काढण्यात आलं होतं, असा आरोपही फरहीन यांनी केला आहे.

News English Summary: A woman BJP office-bearer has accused senior party functionaries of sexual harassment. Farheen Mohsin, a resident of Usmanpada in Dehli Gate area of ​​Aligarh Thane area, has leveled these allegations against senior office bearers. Farhan has said that Imran Alim Saifi, the metropolitan president of the BJP Minority Front, exploited him with bad intentions.

News English Title: Serious allegations of sexual harassment by senior leader BJP woman office bearer in Uttar Pradesh crime Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.