Hathras Gangrape | योगी पंतप्रधानांच्या फोनची वाट पाहत होते का? - प्रियांका गांधी

नवी दिल्ली, ३० सप्टेंबर : हाथरस सामूहिक बलात्कार आणि पीडितेच्या मृत्यूनंतर तिच्या कुटुंबीयांना पोलिसांकडून देण्यात आलेली वागणूक समोर आल्यानंतर जनतेचा आक्रोश बाहेर पडताना दिसतोय. त्यामुळे हाथरस शहरात तणावाचं वातावरण दिसून येतंय. दुसरीकडे या घटनेनंतर विरोधकांनी मुख्यमंत्री योगी आदित्यनाथ यांना निशाण्यावर घेतलंय. या प्रकरणात कारवाई करण्यासाठी योगी आदित्यनाथ १५ दिवस पंतप्रधानांच्या फोनची वाट पाहत होते का? असा सवाल काँग्रेस महासचिव प्रियांका गांधी वाड्रा यांनी विचारलाय.

उत्तर प्रदेशातील हाथरसमध्ये देशाला हादरवून टाकणारी घटना घडली. १४ सप्टेंबर रोजी जनावरांसाठी चारा आणण्यासाठी १९ वर्षीय दलित तरुणी आपल्या शेतात गेली होती. या ठिकाणी सवर्ण समाजातील चार तरुणांनी तिच्यावर सामूहिक बलात्कार करुन तिला जीवे मारण्याचा प्रयत्न केला. रक्तबंबाळ अवस्थेत जेव्हा ही तरुणी घटनास्थळी आढळून आली, तेव्हा तिची जीभ कापलेली होती. तसेच तिच्या मानेवर गंभीर जखमा आढळून आल्या. त्याचबरोबर तिच्या पाठीच्या कण्यालाही गंभीर दुखापत झालेली होती. यात तिचा दुर्दैवी मृत्यू झाला. या मृत्यूनंतर तिच्यावर तातडीनं अंत्यसंस्कार करण्यात आले. यावरून प्रियंका गांधी मुख्यमंत्री योगी आदित्यनाथ यांच्यावर निशाणा साधला आहे.

‘मी उत्तर प्रदेशच्या मुख्यमंत्र्यांना काही प्रश्न विचारू इच्छिते’ असं म्हणत प्रियांका गांधी यांनी मुख्यमंत्री योगी आदित्यनाथ यांच्यावर थेट टीका केलीय. ‘कुटुंबीयांकडून जबरदस्तीनं पीडितेचं शव ताब्यात घेत जाळून टाकण्याचे आदेश कुणी दिले? गेल्या १४ दिवसांपासून तुम्ही झोपलेलात का? तेव्हा तुम्ही कारवाई का केली नाही?’ असे प्रश्न विचारत प्रियांका यांना योगींना अडचणीत आणलंय.

मैं यूपी के मुख्यमंत्री जी से कुछ सवाल पूछना चाहती हूँ-

परिजनों से जबरदस्ती छीन कर पीड़िता के शव को जलवा देने का आदेश किसने दिया?

पिछले 14 दिन से कहां सोए हुए थे आप? क्यों हरकत में नहीं आए?

और कब तक चलेगा ये सब? कैसे मुख्यमंत्री हैं आप? pic.twitter.com/Q2qPcDXDTT

— Priyanka Gandhi Vadra (@priyankagandhi) September 30, 2020

News English Summary: Congress leader Priyanka Gandhi Vadra on Wednesday demanded Uttar Pradesh Chief Minister Yogi Adityanath’s resignation and said he has “no moral right” to continue in the post following allegations by the Hathras gang-rape victim’s kin that police forced them to conduct her last rites. The 19-year-old Dalit woman, who died in a Delhi hospital a fortnight after she was gang-raped in Uttar Pradesh’s Hathras, was cremated in the early hours of Wednesday.

News English Title: Priyanka Gandhi shreds CM Yogi Adityanath over Uttar Pradesh Gang rape Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.