आम्हाला धमक्या | युपीच्या पोलिसांवर आमचा विश्वास नाही | पीडितेच्या कुटुंबाचा आरोप

लखनऊ, ३ ऑक्टोबर : उत्तर प्रदेशातील हाथरस सामूहिक बलात्कार घटनेवर देशभरात संतापाचं वातावरण असताना पोलिसांकडून विरोधी पक्षातील नेते आणि माध्यमांची होणारी अडवणूक यामुळे उद्रेक वाढताना दिसत आहे. हाथरसला उत्तर प्रदेश सरकारने छावणीचं स्वरुप दिलं असून तब्बल ३०० पोलिसांची फौज तैनात करण्यात आली आहे. पोलिसांनी पीडित तरुणीच्या गावात सात पोलीस वाहनं आणि पाच बॅरिकेट्सही उभे केले आहेत.

हाथरसमध्ये १९ वर्षीय दलित तरुणीवर सामूहिक बलात्कार करण्यात आला होता. रुग्णालयात उपचार सुरु असतानाच २९ सप्टेंबरला तरुणीचा मृत्यू झाला. यानंतर पोलिसांनी बळजबरीने तरुणीच्या पार्थिवावर अंत्यसंस्कार केले असा कुटुंबाचा आरोप आहे. दरम्यान योगी आदित्यनाथ सरकारने गावाला छावणीचं स्वरुप दिलं असून बाहेरील कोणत्याही व्यक्तीला आतमध्ये जाण्याची परवानगी देण्यात आलेली नव्हती.

मात्र टीकेची झोड उठल्यानंतर योगी सरकारने माध्यमांना परवानगी दिल्यानंतर पीडित मुलीच्या कुटुंबियांनी योगी सरकारवर गंभीर आरोप केले आहे. माझ्या बहिणीवर सामूहिक बलात्कारच झाला आहे. प्रशासनाकडून सत्य दडपण्याचा प्रयत्न करण्यात येत आहे. तसेच आम्हाला कुणाशीही संपर्क साधण्याचा प्रयत्न करु नये, अशी तंबी देखील दिल्याचा आरोप पीडित मुलीच्या भावाने केला आहे. त्याचप्रमाणे गावातल्या काही जणांची भीती वाटत आहे. गावातील लोक आम्हाला मारुन टाकतील, असा खळबळजनक आरोपही पीडित कुटुंबाने केला आहे.

Only media is allowed right now. When orders come in to allow delegations, we will let everybody know. All allegations about phones of the family members being taken away or confining them in their homes are absolutely baseless: Hathras Sadar SDM Prem Prakash Meena https://t.co/LE1mi6eZm8

— ANI UP (@ANINewsUP) October 3, 2020

आम्हाला धमकाविण्यात आले. घरातील पुरुषांना मारहाण करण्यात आली. आमच्यावर केस मागे घेण्यासाठी दबाव टाकत होते. पोलीस आणि जिल्हा प्रशासन धमकी देत होते. पैसै घेऊन प्रकरण मागे घेण्यास सांगत होते, असा दावा देखील पीडित मुलीच्या काकीने केला आहे.

News English Summary: My sister has been gang-raped. The administration is trying to suppress the truth. The victim’s brother also alleged that we should not try to contact anyone. Similarly, some people in the village are scared. The victim’s family has also made a sensational allegation that the villagers will kill us.

News English Title: 300 Police Personnel Lockdown Grieving Family Entire Village In Hathras Marathi News LIVE latest updates.