Alert! नोटांमधूनही होऊ शकतो कोरोनाचा प्रसार | आरबीआयची माहिती

मुंबई, ५ ऑक्टोबर : नोटांमुळे कोरोना प्रादुर्भाव होतो का ? असा प्रश्न वारंवार विचारला जातो. आता रिझर्व बॅंक ऑफ इंडीयाने या प्रश्नाचे उत्तर दिले आहे. कोरोना संक्रमण नोटांनी देखील होऊ शकते. नोटांचा व्यवहार केल्याने कोरोना संक्रमण तुमच्या शरीरापर्यंत पोहोचू शकते असे इंडस्ट्री बॉडी कन्फेडरेशन ऑफ ऑल इंडीया ट्रेडर्स (CAIT) ने म्हटलंय. नोटांमुळे कोरोना पसरण्याच्या वृत्ताला आरबीआयने याला दुजोरा दिलाय.

चलनातील नोटा या बॅक्टेरीया आणि वायरसच्या वाहक आहेत का ? असा प्रश्न CAIT ने ९ मार्चला केंद्रीय अर्थमंत्री निर्मला सितारामण यांना केला होता. सरकारकडून आरबीआयला यासंदर्भातील एक पत्र गेलंय. आणि ३ ऑक्टोबरला यासंदर्भात उत्तर देण्यात आलंय. ईमेलच्या माध्यमातून दिलेल्या या उत्तरात नोटा या बॅक्टेरीया आणि वायरसच्या वाहक असू शकतात असं म्हटलं गेलंय.

कोरोना विषाणूचा प्रसार रोखण्यासाठी, लोक मोबाइल आणि इंटरनेट बँकिंग, क्रेडिट आणि डेबिट कार्ड इत्यादी विविध ऑनलाइन डिजिटल चॅनेलद्वारे घरी बसून पैशांची देवाण घेवाण करू शकतात. यामुळे नोटांचा वापर करणे किंवा एटीएममधून पैसे काढणे टाळता येऊ शकते. या व्यतिरिक्त कोरोनावर वेळोवेळी जाहीर केलेल्या सार्वजनिक आरोग्य मार्गदर्शक सूचनांचे काटेकोरपणे पालन करणे आवश्यक आहे, असे ३ ऑक्टोबर २०२० रोजी सीआयआयटीला पाठविलेल्या उत्तरात आरबीआयने म्हटले आहे.

दरम्यान, आरबीआयने लोकांनी जास्तीत जास्त डिजिटल पेमेंटचा वापर करण्याचे आवाहन केले आहे, असे सीएआयटीचे राष्ट्रीय अध्यक्ष बीसी भरतिया आणि महासचिव प्रवीण खंडेलवाल यांनी सांगितले. तसेच, डिजिटल पेमेंट व्यवहारासाठी आकारण्यात आलेला बँक शुल्क माफ करावे आणि सरकारने बँकांच्या शुल्काविरूद्ध बँकांना थेट अनुदान द्यावे. ही अनुदान सरकारवर आर्थिक भार टाकणार नाही, तर ते नोटांच्या छपाईवर असेल. यामुळे खर्च कमी करेल, असे निवेदनात म्हटले आहे.

News English Summary: The Reserve Bank of India (RBI) has said that currency notes are potential carriers of coronavirus COVID-19 and said that incentives must be announced by the government to encourage digital payments, as per the Confederation of All India Traders (CAIT). On March 9, 2020, CAIT had written a letter to Union Finance Minister Nirmala Sithraman seeking clarification whether or not currency notes are carriers of bacteria and viruses.

News English Title: RBI said that currency notes are potential carriers of coronavirus COVID 19 Marathi News LIVE latest updates.