महिला म्हणजे उपभोग्य वस्तू असा संघ आणि भाजपाचा दृष्टीकोन – प्रकाश आंबेडकर

मुंबई, ५ ऑक्टोबर : उत्तरप्रदेशातील हाथरस येथे दलित समाजातील एका तरुणीवर काही नराधमांनी अमानुषपणे सामूहिक बलात्कार केला. त्यानंतर तिला जीवे मारण्याचा देखील प्रयत्न केला. या घटनेनंतर पीडित तरुणीचा रुग्णालयात उपचार सुरू असताना दुर्दैवी मृत्यू झाला. याच पार्श्वभूमीवर आज वंचित बहुजन आघाडीचे नेते प्रकाश आंबेडकर यांनी राष्ट्रीय स्वयंसेवक संघ व भाजपावर देखील निशाणा साधला आहे. महिला म्हणजे उपभोग्य वस्तू असा संघ आणि भाजपाचा दृष्टीकोन असल्याचं प्रकाश आंबेडकर पुण्यात म्हणाले आहेत.

“उत्तर प्रदेशमधील हाथरस येथील सामूहिक बलात्काराच्या घटनेचा निषेध नोंदवण्यात आला आहे. सर्व स्तरातून हा निषेध नोंदवला गेला ही चांगली गोष्टं असं मी मानतो. तरूण पिढी आता महिलांवरील अत्याचारांकडे एका वेगळ्या नजरेतून पाहताना दिसत आहे. आरएसएस-भाजपा हे महिला उपोभगण्याची वस्तू आहेत, असा प्रचार आणि प्रसार करतात. ती महिला आहे, तिला जगण्याचा अधिकार आहे आणि तिचे अधिकार शाबूत राहिले पाहिजेत. तिला जसं जगायचं आहे, तसं तिला जगता आलं पाहिजे. तिच्यावर कुणी अत्याचार करू नये, अशा पद्धतीने असलेली माणसिकता नव्या पिढीकडे आहे. ही नवी पिढी मला देशभरात रस्त्यावर उतरलेली दिसत आहे.” असं यावेळी प्रकाश आंबेडकर यांनी बोलून दाखवलं.

दुसरीकडे उत्तर प्रदेशातील हाथरस येथील घटनेचा निषेध नोंदवण्यासाठी सोमवारी सकाळी जळगाव राष्ट्रवादी युवती काँग्रेसकडून केंद्रीय गृहमंत्री अमित शहा यांना दोरखंडात जखडलेली प्रतिकात्मक संत मीराबाई यांची मूर्ती स्पीड पोष्टाद्वारे पाठविण्यात आली. सध्या देशातील महिलांची अशीच अवस्था झाली असून त्यांचे दोरखंड सोडविण्यासाठी उपाययोजना करण्याची मागणी राष्ट्रवादी युवती काँग्रेच्या जिल्हाध्यक्ष कल्पिता पाटील यांनी यावेळी केली.

News English Summary: In Hathras, Uttar Pradesh, a Dalit girl was gang-raped by some men. He then tried to kill her. After the incident, the victim died while undergoing treatment at the hospital. Against this backdrop, today the leader of the deprived Bahujan Alliance, Prakash Ambedkar, has also targeted the Rashtriya Swayamsevak Sangh and the BJP.

News English Title: Prakash Ambedkar Criticized Of Sangh And BJP Over Hathras Case Marathi News LIVE latest updates.