MPSC CLERK Exam 2020 | रोहित पवार यांचा सामान्य प्रशासन विभागाकडे महत्वाचा पाठपुरावा

मुंबई, ७ ऑक्टोबर : राज्यातील शासकीय विभागांची सर्व लिपिक संवर्गातील पदे (MPSC CLERK Exam 2020) महाराष्ट्र लोकसेवा आयोगाच्या माध्यमातून भरण्याच्या अनुषंगाने सकारात्मक विचार करण्यात येईल, असे सामान्य प्रशासन विभागाचे राज्यमंत्री दत्तात्रय भरणे यांनी सांगितले. महाराष्ट्र लोकसेवा अयोगाशी (एमपीएससी) निगडित बाबींची आढावा बैठक भरणे यांच्या अध्यक्षतेखाली मंत्रालयात झाली. त्यावेळी ते बोलत होते. बैठकीस आमदार रोहित पवार, संजय शिंदे, अतुल बेनके यांच्यासह सामान्य प्रशासन विभागाचे उपसचिव राहुल कुलकर्णी, गीता कुलकर्णी, सु. मो. महाडिक, महाराष्ट्र लोकसेवा आयोगाचे सहसचिव सु. ह. अवताडे आदी यावेळी उपस्थित होते.

भरणे यावेळी म्हणाले की, महाराष्ट्र लोकसेवा आयोगातर्फे गट अ आणि ब संवर्गासाठी, पोलीस उपनिरीक्षक, सहायक कक्ष अधिकारी, राज्य कर निरीक्षक आदी काही गट क मधील पदांसाठी तसेच बृहन्मुंबईतील लिपिक संवर्गासाठीही एमपीएससीमार्फत भरतीप्रक्रिया राबविण्यात येते. तथापि, राज्यातील उर्वरित जिल्ह्यात बहुतांश गट ब अराजपत्रित आणि गट क मधील पदांची भरतीप्रक्रिया स्थानिक पातळीवर होते. त्यामुळे उमेदवारांना प्रत्येक वेळी नव्याने अर्ज करावा लागल्याने खर्च वाढतो. भरणे पुढे म्हणाले की, एमपीएससीच्या माध्यमातून केंद्रीकृत पद्धतीने एकाच वेळी या पदांसाठी भरतीप्रक्रिया राबवावी अशी मागणी उमेदवारांकडून येत आहे.

त्या अनुषंगाने राज्य शासनाच्या सर्वच गट ब आणि गट क संवर्गातील पदांची भरती एमपीएससीच्या माध्यमातून राबविता येईल काय याबाबत चाचपणी करण्यात येईल. तथापि, प्रायोगिक तत्त्वावर सुरुवातीला लिपिक संवर्गासाठी एमपीएससीच्या माध्यमातून भरतीप्रक्रिया राबविण्याबाबत सकारात्मक विचार करण्यात येईल. त्यामुळे उमेदवारांना वेगवेगळ्या विभागांच्या परीक्षेसाठी प्रत्येक वेळी नव्याने अर्ज करण्याची गरज भासणार नाही तसेच त्यामुळे त्यांचा वेळ, पैसा आणि मानसिक तसेच शारीरिक त्रास वाचू शकेल, असेही ते म्हणाले.

राज्यातील युवांच्या विविध प्रश्नांबाबत राज्यमंत्री @bharanemamaNCP मामांची भेट घेतली.राज्यात सर्व विभागातील लिपिक संवर्गातील पदांसाठी स्वतंत्र परीक्षा न घेता एकच राज्यस्तरीय परीक्षा घेण्याच्या सूचना त्यांनी त्वरीत विभागाला दिल्या.यामुळं उमेदवारांचा वेळ व पैसा दोन्हीही वाचणार आहे. pic.twitter.com/jhzHtpO990

— Rohit Pawar (@RRPSpeaks) October 6, 2020

News English Summary: Mr. Bharne said that the Maharashtra Public Service Commission (MPSC) conducts recruitment process for MPSC for Group A and B categories, Sub-Inspector of Police, Assistant Cell Officers, State Tax Inspectors and some other posts in Group C. However, in the rest of the districts in the state, most of the Group B non-Gazetted and Group C posts are recruited locally. Therefore, the cost increases as the candidates have to apply anew each time. Bharane further said that there is a demand from the candidates that the recruitment process for these posts should be carried out simultaneously in a centralized manner through MPSC board.

News English Title: MPSC CLERK Exam 2020 NCP MLA Rohit Pawar communicated with administration department Marathi News LIVE latest updates.