मराठा आरक्षण | MPSC परीक्षांबाबत मुख्यमंत्री आज अंतिम निर्णय घेणार

मुंबई, ८ ऑक्टोबर : मराठा आरक्षणाचा प्रश्न प्रलंबित असताना MPSC परीक्षा घेऊन नयेत अशी मराठा संघटनांची मागणी आहे (MPSC Prelim Exam 2020). या संदर्भात गुरूवारी (8 ऑक्टोबर) मुख्यमंत्री उद्धव ठाकरे यांच्यासोबत बैठक आहे. त्या बैठकीत अंतिम निर्णय होण्याची शक्यता असल्याची माहिती शिवसंग्रामचे नेते विनायक मेटे यांनी दिली आहे. मेटे यांनी रात्री उशीरा मंत्री अशोक चव्हाण यांची भेट घेऊन चर्चा केली. त्यानंतर ते पत्रकारांशी बोलत होते. या प्रश्नावर सगळ्यांच्या भावना तीव्र असून त्या समजूनच निर्णय झाला पाहिजे असं आमचं मत असल्याचंही मेटे यांनी सांगितलं.

या प्रश्नावर बुधवारी नवी मुंबईत बैठक झाली. त्यावेळी बोलताना खासदार संभाजीराजे यांनी सरकारला इशारा दिला. ते म्हणाले, या बैठकीत ’11 तारखेला जर MPSC ची परीक्षा (MPSC Prelim Exam 2020) घेतली तर राज्य सरकारला वाईट परिणाम भोगावे लागतील’

मराठा आरक्षणासाठी नवी मुंबईत मराठा समाजाच्या वतीने बैठक आयोजित करण्यात आली होती. या बैठकीत खासदार संभाजीराजे छत्रपती यांनी जोरदार भाषण करत राज्य सरकारला इशारा दिला आहे.

MPSC परीक्षा घेतल्यास वाईट परीणाम भोगावे लागतील | परीक्षा केंद्रं बंद पाडू : https://t.co/I7jXJ80G6D

— महाराष्ट्रनामा न्यूज (@MahaNewsConnect) October 7, 2020

News English Summary: Maratha organizations demand that MPSC exam should not be taken while the question of Maratha reservation is pending (MPSC Prelim Exam 2020). In this context, there is a meeting with Chief Minister Uddhav Thackeray on Thursday (October 8). Shiv Sangram leader Vinayak Mete has informed that a final decision is likely to be taken in that meeting.

News English Title: MPSC Prelim Exam 2020 Maratha Reservation solution is expected in meeting with CM Uddhav Thackeray Marathi News LIVE latest updates.