भारतीय बनावटीच्या विमानाची गोपनीय माहिती ISI'ला दिली | एटीएसकडून एकाला अटक

नाशिक, ९ ऑक्टोबर : पाकिस्तानच्या आयएसआयला माहिती पुरवणाऱ्याला नाशिकमध्ये अटक करण्यात आली आहे.नाशिकच्या दहशतवाद विरोधी पथकाला या व्यक्ती बाबत गोपनीय माहिती मिळाली होती. एचएएल अर्थात हिंदुस्थान एरोनॉटिक्स लिमिटेड या विमानं तयार करणाऱ्या कंपनीविषयीची संवेदनशील माहिती हा माणूस माहिती पुरवत होता. ज्याला अटक करण्यात आली आहे तो हिंदुस्थान एरोनॉटिक्स कंपनीत कर्मचारी होता. हा कर्मचारी पाकिस्तानच्या आय. एस. आय. गुप्तहेर संघटनेच्या संपर्कात असून भारतीय बनावटीच्या विमानांची, विमानांच्या संवेदनशील तांत्रिक तपशीलाची, हिंदुस्थान एरोनॉटिक्स लिमिटेड या नाशिक येथील विमान कारखान्याची तसेच कारखाना परिसरातल्या प्रतिबंधित क्षेत्राची गोपनीय माहिती पाकिस्तानच्या आयएसआयला पुरवत होता.

One HAL employee arrested by Nashik Unit of ATS for supplying secret information about Indian fighter aircraft & their manufacturing unit, Hindustan Aeronautics Ltd, Nashik to Inter-Services Intelligence (ISI), a Pakistani intelligence agency: Anti Terrorist Squad. #Maharashtra

— ANI (@ANI) October 9, 2020

मिळालेल्या माहितीवरून सखोल चौकशी केली असता असे निदर्शनास आले की, ओझर, नाशिक स्थित भारतीय बनावटीची विमाने बनविणाऱ्या “हिंदुस्तान एयरोनॉटिक्स लिमिटेड” या कंपनीमधील एक कर्मचारी आरोपी हा पाकिस्तानच्या ISI या गुप्तहेर संघटनेच्या संपर्कात असून तो भारतीय बनावटीच्या विमानांची, विमानाच्या संवेदनशील तांत्रिक तपशिलाची, हिंदुस्तान एरोनॉटिक्स लिमिटेड या नाशिक येथील विमान कारखान्याची, सदर कारखाना परिसरातील प्रतिबंधित क्षेत्रांची तसेच ट्रे गोपनीय माहिती पाकिस्तानच्या ISI या गुप्तचर संघटनेस पुरवत होता.

त्यावरून त्याच्या विरुद्ध कलम ३, ४, आणि ५ शासकीय गुपिते अधिनियम १९२३ अन्वये गुन्हा दाखल करून त्याला अटक करण्यात आली आहे. त्याच्या ताब्यातून 3 मोबाइल हँडसेट, ५ सिमकार्ड, दोन मेमरी कार्ड जप्त करण्यात आले आहे. सदर साहित्य विश्लेषणासाठी फॉरेन्सिक सायन्स लॅबोरेटरी येथे पाठवण्यात आले आहेत.आरोपीला दहा दिवसांची पोलीस कोठडी मंजूर करण्यात आली असून अधिक तपास सुरू आहे.

News English Summary: An employee of the state-run Hindustan Aeronautics Ltd (HAL), Nashik has been arrested by the Anti-Terrorism Squad (ATS) on charges of spying for Pakistan. The HAL employee was arrested by the Nashik unit of the Maharashtra ATS for supplying secret information to Pakistan’s spy agency, the Inter-Services Intelligence. The ATS said the arrested employee was supplying information about Indian fighter aircraft and their manufacturing unit at HAL Nashik.

News English Title: Man Arrested In Nashik For Providing Information To Pakistan ISI Marathi News LIVE latest updates.