मोदींना कोणतीही समज नाही हे त्यांना सांगण्याची हिंमत आजूबाजूंच्यांमध्ये नाही हाच खरा धोका

नवी दिल्ली, १० ऑक्टोबर : काँग्रेसचे खासदार राहुल गांधी यांनी पंतप्रधान नरेंद्र मोदी यांना पुन्हा लक्ष केलं आहे. डेन्मार्कमधील पवनऊर्जा कंपनीच्या मुख्य कार्यकारी अधिकाऱ्यांशी चर्चा करताना पंतप्रधान नरेंद्र मोदी यांनी त्यांना ऊर्जेबरोबरच ऑक्सिजन आणि पेयजल निर्मितीची सूचना केल्याप्रकरणी काँग्रेसनेते राहुल गांधी यांनी मोदी यांना ‘समज’ नसल्याची टीका केली.

राहुल म्हणाले की, ‘‘भारतासाठी खरा धोका हा आपल्या पंतप्रधानांना काही समज नाही हा नव्हे, तर त्यांच्या नजीकच्या कोणाही व्यक्तीमध्ये मोदींचे हे वास्तव त्यांना सांगण्याची हिंमत नाही हा आहे.’’

The real danger to India isn’t that our PM doesn’t understand.

It’s the fact that nobody around him has the guts to tell him. pic.twitter.com/ppUeBeGwpk

— Rahul Gandhi (@RahulGandhi) October 9, 2020

या ट्विटवर रेल्वेमंत्री पीयूष गोयल म्हणाले की, ‘‘राहुल गांधी यांना काहीच कळत नाही, पण हे त्यांना सांगण्याची हिंमत त्यांच्या भोवती फिरणाऱ्यांमध्ये नाही. जगातील अग्रणी कंपनीचे सीईओ मोदींच्या विचारांशी सहमती दाखवत आहेत, पण त्याची राहुल गांधी चेष्टा करत आहेत.’’ राहुल गांधी यांना या विषयासंदर्भातील दोन संशोधन निबंध समजण्याची शक्यता नाही, तरीही त्यांनी वाचावेत, असा सल्ला भाजपचे प्रवक्ते संबित पात्रा यांनी दिला. राहुल ‘अज्ञानी’ असल्याची टीका भाजपचे आयटी विभागाचे प्रमुख अमित मालवीय यांनी केली.

News English Summary: Taking a dig at Prime Minister Narendra Modi over his ideas on wind turbine energy, Congress leader Rahul Gandhi on Friday said the real danger to India isn’t that the PM doesn’t understand but that people around him lack the guts to tell him that. Sharing a video clip of an interaction between PM Modi and Vestas CEO Henrik Anderson on Twitter, Rahul Gandhi wrote, “The real danger to India isn’t that our PM doesn’t understand. It’s the fact that nobody around him has the guts to tell him.”

News English Title: Rahul Gandhi Criticism Of Narendra Modi Over Suggestions On Windmills Marathi News LIVE latest updates.