सगळ्यांच्या एकत्रीत लढ्याला यश | अमित ठाकरे यांनी मुख्यमंत्र्यांचे आभार मानले

मुंबई, ११ ऑक्टोबर : मुख्यमंत्री उद्धव ठाकरे यांनी आज फेसबुक लाइव्हच्या माध्यमातून जनतेशी संवाद साधला आहे. यावेळी मुख्यमंत्री उद्धव ठाकरे यांनी आज मोठी घोषणा केली आहे. आरे कॉलनीत होणाऱ्या मेट्रो कारशेडला स्थगिती दिल्यानंतर ठाकरे सरकारनं आता मेट्रोचं कारशेड थेड कांजूरमार्ग येथे हलवण्यात आलं आहे. शासकिय जमीनीवर हे कारशेड होणार असून त्यासाठी शून्य खर्च येणार असल्याचं मुख्यमंत्र्यांनी सांगितलं आहे. मुख्यमंत्री उद्धव ठाकरे यांनी जनतेशी संवाद साधला. यावेळी आरे जंगलातील गेल्या वर्षांपासून पेटलेल्या मेट्रो कारशेडचा मुद्दा मार्गी लावला आहे. दरम्यान, यावर अमित ठाकरे यांनी मुख्यमंत्र्यांचे आभार मानले आहेत.

मागील अनेक वर्षांपासून सुरू असलेल्या आरे बचाव आंदोलनाला अखेर यश आले आहे. राज्याचे मुख्यमंत्री उद्धव ठाकरे यांनी आरे मेट्रो कारशेडचा निर्णय रद्द केला आहे. उद्धव ठाकरे यांचे पुतणे आणि मनसेचे नेते अमित ठाकरे यांनी या निर्णयाचं स्वागत केले आहे.

‘हा लोकांच्या संघर्षाचा विजय आहे. मी समजू शकतो आज आरे कारशेडसाठी आंदोलन करणारी लोकं किती आनंदी असतील. अनेकांनी आंदोलन करताना अंगावर केसेस घेतल्या होत्या. त्या सगळ्यांच्या लढ्याला यश आलं आहे’, असं म्हणत अमित ठाकरे यांनी ठाकरे सरकारचे आभार मानले आहे.

आरेच्या जंगलात मेट्रो कारशेड उभारण्याचा निर्णय मागील सरकारने घेतला होता. यासाठी हजारो झाडांची कत्तल करण्यात आली होती. पण, शिवसेनेसह मनसे आणि पर्यावरण प्रेमींनी या कारशेडला कडाडून विरोध केला होता. अमित ठाकरे राजकारणात सक्रीय होण्याआधी आरे कारशेडसाठी आंदोलन केले होते. आज मुख्यमंत्री उद्धव ठाकरे यांनी आरेमधील मेट्रोचा कारशेड कांजुरमार्गला हलवण्याची घोषणा केली आहे.

News English Summary: The Aarey Bachao movement, which has been going on for the last several years, has finally come to fruition. State Chief Minister Uddhav Thackeray has canceled the decision of Aarey Metro car shed. Uddhav Thackeray’s nephew and MNS leader Amit Thackeray has welcomed the decision. ‘This is the victory of the people’s struggle. I can understand how happy the people who are agitating for Aarey carshed will be today. Many were carrying cases during the agitation. The struggle of all of them has been successful, ‘said Amit Thackeray, thanking the Thackeray government.

News English Title: MNS leader Amit Raj Thackeray thanked CM Uddhav Thackery for the decision of Aarey Metro car shed Marathi News LIVE latest updates.