आंध्र, तेलंगणात पावसाचा जोरदार तडाखा | हैदराबादेत आभाळ फाटल्याने १४ जणांचा मृत्यू

हैदराबाद, १४ ऑक्टोबर : बंगालच्या उपसागरात कमी दाबाचा पट्टा निर्माण झाल्यानं अनेक राज्यात पाऊस कोसळत असून, आंध्र प्रदेश व तेलंगानात तर अक्षरशः तांडव घातलं आहे. गेल्या २४ तासात दोन्ही राज्यांमध्ये मुसळधार पाऊस सुरू असून, पावसामुळे हैदराबादमधील अनेक भागांमध्ये पूरसदृश्य स्थिती निर्माण झाली आहे. मदतकार्य करण्यासाठी शहरातील रस्त्यावर बोटीतून प्रवास करावा लागत आहेत. हैदराबादमध्ये झालेल्या वेगवेगळ्या घटनांमध्ये ११ जणांचा मृत्यू झाला आहे.

#HeavyRain : आंध्र प्रदेश व तेलंगणात थैमान घातलं आहे. आंध्र व तेलंगणातील अनेक भागात पूरसदृश्य परिस्थिती निर्माण झाली असून, राजधानी हैदराबादमध्ये जनजीवन कोलमडून पडलं आहे. pic.twitter.com/lBSVXOkJYM

— महाराष्ट्रनामा न्यूज (@MahaNewsConnect) October 14, 2020

सतत सुरू असलेल्या मुसळधार पावसामुळे हैदराबादमध्ये संरक्षक भिंत कोसळली आहे. मृतांमध्ये एका २ महिन्यांच्या बालकाचा समावेश आहे. सध्या दुर्घटनास्थळी बचावकार्य सुरू आहे. मुसळधार पाऊस सुरू असल्यानं बचावकार्यात अडथळे येत आहेत. कोसळलेल्या भिंतीखाली काही जण अडकले असल्याची शक्यता आहे. त्यामुळे मृतांचा आकडा वाढण्याची भीती व्यक्त होत आहे.

हैदराबादच्या मोहम्मदिया परिसरात संरक्षक भिंत काही घरांवर कोसळली. रात्री उशिरा ही घटना घडली. यामध्ये ९ जणांनी जीव गमावला आहे. घटनेची माहिती मिळताच बचावकार्य सुरुवात झाली. पावसाचा जोर जास्त असल्यानं परिसरात पाणी साचलं आहे. हैदराबाद लोकसभा मतदारसंघाचे खासदार आणि एमआयएमचे नेते असदुद्दीन ओवेसींनी ट्विट करून घटनेची आणि मदतकार्याची माहिती दिली. ‘मुसळधार पावसामुळे बंदलागुडातल्या मोहम्मदिया हिल्स परिसरातली भिंत कोसळली आहे. यामध्ये ९ जणांचा मृत्यू झाला असून २ जण जखमी झाले आहेत,’ असं ट्विट ओवेसींनी केलं आहे.

#HyderabadRains I was at a spot inspection in Mohammedia Hills, Bandlaguda where a private boundary wall fell resulting in death of 9 people & injuring 2. On my from there, I gave a lift to stranded bus passengers in Shamshabad, now I’m on my way to Talabkatta & Yesrab Nagar… pic.twitter.com/EVQCBdNTvB

— Asaduddin Owaisi (@asadowaisi) October 13, 2020

News English Summary: Normal life has been thrown out of gear in Andhra Pradesh and Telangana as heavy rains lash the two states, leading to water-logging in several parts. At least 14 people have died in rain-related incidents in Telangana, which has been witnessing heavy rain since last two days. In Andhra Pradesh, four have reportedly died in rain-related incidents. IMD has, meanwhile, warned of thunderstorms along coastal regions in Andhra Pradesh, a day after a deep depression in the Bay of Bengal crossed the coast near Kakinada. Heavy rains are expected to lash Andhra over the next 24 hours.

News English Title: Andhra Telangana Rain 14 Killed In Heavy Rains Hyderabad News updates.