लॉकडाउनमुळे लोकांकडे खूप वेळ | म्हणून जाहिरातीवर मूर्खपणाची प्रतिक्रिया देऊन ट्रोलिंग

गांधीनगर, १४ ऑक्टोबर : दागिन्यांमधील लोकप्रिय ब्राण्ड असलेल्या ‘तनिष्क’च्या गुजरातमधील शोरूमवर हल्ला झाला आहे. ‘तनिष्क’च्या हिंदू-मुस्लीम ऐक्याचा संदेश देणाऱ्या जाहीरातीवरुन मोठा वाद सुरु आहे. सोशल मीडियावर मोठया प्रमाणात ट्रोलिंग झाल्यामुळे ही जाहीरात ‘तनिष्क’ला मागे घ्यावी लागली होती. गुजरातमध्ये ‘तनिष्क’च्या ज्या शोरूमवर हल्ला झाला, तिथल्या मॅनेजरला जमावाला माफीनामा लिहून द्यावा लागला. एनडीटीव्हीने हे वृत्त दिले आहे.

“ही जाहीरात प्रदर्शित करुन, हिंदूंच्या भावना दुखावल्याबद्दल कच्छ जिल्ह्यातील जनतेची माफी मागतो” असे मॅनेजरने त्या माफीनाम्यात म्हटले आहे. गुजरातच्या गांधीधामधमली ‘तनिष्क’च्या शोरूमवर हा हल्ला करण्यात आला, असे सूत्रांनी सांगितले.

या जाहीरातीवरून वाद झाल्याने मंगळवारीच कंपनीने ही जाहीरात मागे घेतली हिती. या जाहीरातीत दोन वेगळ्या धर्मांचे कुटुंबीय दाखवण्यात आले होते. ही जाहीरात ही ‘लव्ह जिहाद’ला आणि बेगडी धर्मनिरपेक्षतेला प्रोत्साहन देणारी आहे असा आरोप करण्यात आला होता. त्यानंतर सोशल मीडियावरूनही त्या विरुद्ध कॅम्पेन चालवलं गेलं.

नंतर तनिष्क ने निवेदन प्रसिद्ध करून आपली भूमिका मांडली होती. आम्हाला कुणाच्याही भावना दुखवायच्या नाहीत. या जाहीरातीमुळे कुणाच्या भावना दुखावल्या असतील तर आम्ही खेद व्यक्त करतो असंही कंपनीने म्हटलं होतं. टाटांचा मोठा ब्रँड असलेल्या तनिष्कने दागिण्यांचा संग्रह ‘एकत्वम’साठी ही जाहीरात केली होती.

दरम्यान, तनिष्कच्या त्या जाहिरातीला लव्ह जिहाद म्हणणं हे मूर्खपणाचं लक्षण आहे असं परखड मत अॅडगुरु भरत दाभोळकर यांनी व्यक्त केलं आहे. तनिष्कने जी जाहिरात केली आहे ती गेल्या दशकांमधल्या ज्या चांगल्या जाहिराती आहेत त्यापैकी एक जाहिरात आहे.या विरोधात काहीही प्रोटेस्ट होणं ही लाजिरवाणी गोष्ट आहे. ‘मी ही जाहिरात केली असती तर समाधानी असतो’ असं ही जाहिरात विश्वात एक प्रतिक्रिया दिली जाते. तशीच प्रतिक्रिया मला तनिष्कच्या या जाहिरातीबाबत द्यावीशी वाटते की मी ही जाहिरात केली असती तर आनंद झाला असता. लोकांना लॉकडाउनमध्ये खूप वेळ आहे.. त्यामुळे मूर्खपणाची एक प्रतिक्रिया देऊन ही जाहिरात ट्रोल होते आहे. ही बाबत अत्यंत चुकीची आहे यामध्ये लव्ह जिहाद असं काहीही नाही. मुस्लिम कुटुंबातली सासू हिंदू सुनेचं कौतुक करते आहे यामध्ये आक्षेप घेण्यासारखं काय आहे? असाही प्रश्न भरत दाभोळकर यांनी विचारला आहे.

News English Summary: The showroom of Tanishq, a popular jewelery brand, has come under attack in Gujarat. There is a big controversy over Tanishq’s advertisement which conveys the message of Hindu-Muslim unity. Due to the large number of trolls on social media, Tanishq had to withdraw the advertisement. The manager of the Tanishq showroom in Gujarat had to write an apology to the crowd. This was reported by NDTV.

News English Title: It Is Foolish To Call Tanishq Advertisement Love Jihad Says Bharat Dabholkar News Updates.