राज्यात परतीच्या पावसाचा धुमाकूळ | पुण्याला तडाखा | मुंबईतही हायअलर्ट

मुंबई, १५ ऑक्टोबर : राज्यात परतीच्या पावसामुळे अक्षरश: धुमाकूळ घातला आहे. पुणे शहर आणि जिल्ह्यात पावसाचा तडाखा बसला आहे. बुधवारी रात्री पावसाचा जोर वाढल्यामुळे अनेक ठिकाणी पाणी भरलं आहे. खडकवासला धरणातून मुठा नदीपात्रात पाण्याचा विसर्ग सुरु करण्यात आला आहे. त्यामुळे नदीकाठच्या गावांना धोक्याचा इशारा देण्यात आला आहे.

जिल्ह्यातील निमगाव केतकी गावात पूर आल्याने ५५ जण अडकले होते, यातील ४० जणांना सुरक्षित बाहेर काढण्यात यश मिळालं असून अद्याप १५ जण पुराच्या पाण्यात अडकून पडले आहेत. इंदापूरनजीक २ दुचाकीस्वारांना वाचवण्यात यश आल्याचं बारामतीच्या उपविभागीय अधिकाऱ्यांनी माहिती दिली आहे. सोलापूर येथे उजनी धरणातून २ लाख क्यूसेसने पाण्याचा विसर्ग सुरु करण्यात आला आहे.

दरम्यान, गेल्या काही तासात मुंबईत तुफान पाऊस बरसत असल्याने सायन पोलीस स्थानक, किंग्स सर्कल, हिंदमाता आणि परळमधील सखल भागांमध्ये पाणी साचल्याचं पाहायला मिळत आहे. दरम्यान, आता पावासाचा जोर काहीसा ओसरला असला तरीही पुढील काही तास पुन्हा जोरदार सरी बरसण्याचा अंदाज हवामान विभागाने वर्तवला आहे.

रात्री मुंबईत तुफान पाऊस बरसत असल्याने सायन पोलीस स्थानक, किंग्स सर्कल, हिंदमाता आणि परळमधील सखल भागांमध्ये पाणी साचल्याचं पाहायला मिळत आहे.
(Source ANI) pic.twitter.com/gkEdW6rcuc

— महाराष्ट्रनामा न्यूज (@MahaNewsConnect) October 15, 2020

मुंबई आणि जवळच्या परिसरात ढगांची दाटी झाल्याची माहिती आयएमडी मुंबईचे उपमहासंचालक के. एस. होसळीकर (K.S. Hosalikar) यांनी ट्वीट करत दिली आहे. दुसरीकडे आयएमडीने देखील आज मुंबईसाठी रेड अलर्ट जारी केला आहे. त्यामुळे आज दिवसभर मुंबईत मुसळधार पावसाची शक्यता वर्तवली जात आहे.

Latest updates at 7 am of 15 Oct
Intense clouds off the coast of Mumbai observed through radar. pic.twitter.com/HugPjKys7h

— K S Hosalikar (@Hosalikar_KS) October 15, 2020

News English Summary: Heavy rains lashes parts of Maharashtra and is likely to continue for the next few days until October 15. The India Meteorological Department (IMD) has also issued a red alert for the entire North Konkan area, including Mumbai and Thane. The depression has weakened into a well marked low pressure area over south Central Maharashtra on Wednesday evening. The IMD has also warned a deep depression off the east coast of North-eastern Andhra Pradesh that will move westward while maintaining its power for the next five days.

News English Title: Heavy rainfall triggers water logging in parts of Mumbai IMD has issued red alert News updates.