३ महिन्यांसाठी वृत्तवाहिन्यांच्या टीआरपीला स्थगिती | BARC चा निर्णय

मुंबई, १५ ऑक्टोबर : टीआरपी घोटाळ्यानंतर BARCने मोठा निर्णय घेतला आहे. पुढील १२ आठवडे टीआरपी रेटिंग जाहीर केले जाणार नाही, असे BARCने जाहीर केले आहे. मुंबई पोलिसांनी या घोटाळ्याचा आरोप केला होता. दरम्यान, टीआरपी घोळाप्रकरणी रिपब्लिक टीव्हीला सर्वोच्च न्यायालयाकडून दिलासा मिळालेला नाही.

टीआरपी घोळाप्रकरणी सर्वोच्च न्यायालयाने रिपब्लिक चॅनलला उच्च न्यायालयात जाण्याचा सल्ला दिला आहे. आज सर्वोच्च न्यायालयात रिपब्लिकच्या याचिकेवर सुनावणी करण्याबाबत सर्वोच्च न्यायालयाने नकार दिला. न्यायाधीश डी वाय चंद्रचूड, इंदू मल्होत्रा, इंदिरा बॅनर्जी यांनी ही सुनावणी करण्यास नकार देत उच्च न्यायालयात जाण्याचा सल्ला दिला आहे.

Fake TRP Case impact: BARC pauses TV Ratings

#BARC #Republic #IndiaToday #TRPScam #TRPGhotala pic.twitter.com/QCyYm2y5Bs

— Bar & Bench (@barandbench) October 15, 2020

बार्कच्या निर्णयाचं न्यूज ब्रॉडकास्टिंग असोसिएशनकडून (NBA) स्वागत करण्यात आलं आहे. बार्कने योग्य दिशेने पाऊल टाकलं असल्याची प्रतिक्रिया एनबीएकडून देण्यात आली आहे. बार्कने हा १२ आठवड्यांचा अवधी आपल्या पूर्ण यंत्रणेचा आढावा घेण्यासाठी तसंच देशात काय पाहिलं जातं यासंंबंधी विश्वासार्हता निर्माण करण्यासाठी वापरावा असं मत बार्कने व्यक्त केलं आहे.

News English Summary: Amid a controversy surrounding its viewership data for TV news channels, the Broadcast Audience Research Council (BARC) has decided to suspend its weekly ratings of TV news channels for a period of three months. In an announcement, BARC said that it would continue to review and augment the current standards of measuring and reporting of data. “Will continue to release weekly audience estimates for genre of news by state and language”, it added.

News English Title: TRP controversy BARC Suspends Ratings of TV News Channels For 3 Months News updates.