राजीनामा द्यायला हवा | पण खिसे गरम करायचं गणित तुम्हाला थोडी स्वस्थ बसू देत असेल

मुंबई, १६ ऑक्टोबर : महिला आणि बालकल्याण मंत्री यशोमती ठाकूर यांना अमरावती न्यायालयाने पोलीस मारहाण प्रकरणात ३ महिन्यांची शिक्षा आणि १५ हजारांचा दंड ठोठावला आहे. आठ वर्षे जुन्या प्रकरणात त्यांना ही शिक्षा सुनावण्यात आली आहे. आठ वर्षांपूर्वी यशोमती ठाकूर यांनी अमरावती येथील अंबादेवी मंदिराजवळ उल्हास रौराळे या पोलीस कर्मचाऱ्याला मारहाण केली होती. यामध्ये त्यांचा वाहनचालक आणि दोन कार्यकर्त्यांचाही समावेश होता.

आठ वर्षांपूर्वी २४ मार्च २०१२ रोजी आमरावतीमधील अंबादेवी मंदिराजवळ यशोमती ठाकूर आणि पोलिसांमध्ये वाद झाला होता. त्यावेळी त्यांनी पोलिसांशी हुज्जत घातली होती. दरम्यान, पोलिस कॉन्स्टेबल उल्हास रौराळे यांच्यासोबत वाद घालून त्यांना मारहाण करण्याचा प्रयत्न करणे आणि शासकीय कामकाजात अडथळा आणणे, याप्रकरणी ही शिक्षा सुनावण्यात आली आहे.

दरम्यान, या प्रकरणावरुन भाजपच्या उपाध्यक्ष चित्रा वाघ यांनी यशोमती ठाकूर यांच्यावर निशाणा साधला आहे. “गाडी का अडवली? म्हणून पोलिसांनी मारहाण केलेल्या तत्कालीन आमदार आणि विद्यमान मंत्री यशोमती ठाकूर यांच्यावरील गुन्हा न्यायालयात सिद्ध झाला. खरं तर मागणी करायच्या आधीच नैतिक जबाबदारी म्हणून राजीनामा द्यायला हवा होता. पण खिसे गरम करायचं गणित तुम्हाला थोडी स्वस्थ बसू देत असेल”, अशा खरमरीत शब्दांत वाघ यांनी ठाकूर यांच्यावर टीका केली आहे.

गाडी का अडवली? म्हणून पोलिसांना मारहाण केलेल्या तत्कालीन आमदार आणि विद्यमान मंत्री @AdvYashomatiINC यांच्यावरील गुन्हा न्यायालयात सिद्ध झाला. खरं तर मागणी करायच्या आधीच नैतिक जबाबदारी म्हणून राजीनामा द्यायला हवा होता पण ‘खिसे गरम’ करायचं गणित तुम्हाला थोडी स्वस्थ बसू देत असेल?

— Chitra Kishor Wagh (@ChitraKWagh) October 16, 2020

News English Summary: Women and Child Welfare Minister Yashomati Thakur has been sentenced by an Amravati court to three months in jail and fined Rs 15,000 in a police beating case. He has been sentenced in an eight-year-old case. Eight years ago, Yashomati Thakur had beaten up a police officer, Ulhas Raurale, near the Ambadevi temple in Amravati. It also included his driver and two workers. BJP Leader Chitra Wagh slams Minister Yashomati Thakur on twiter.

News English Title: BJP Leader Chitra Wagh to Minister Yashomati Thakur News Updates.