जलयुक्त शिवार चौकशीबाबत आणि खडसे भाजप सोडणार का | काय म्हणाल्या पंकजा...

मुंबई, १६ ऑक्टोबर : भाजपाचे ज्येष्ठ नेते एकनाथ खडसे हे पक्ष सोडण्याच्या तयारीत आहेत, अशी राजकीय वर्तुळात चर्चा आहे. ते लवकरच राष्ट्रवादी काॅंग्रेस पक्षात प्रवेश करतील असेही बोलले जात आहे. मात्र, एकनाथ खडसे हे भाजप सोडून जाणार नाहीत याची मला खात्री आहे. खडसे हे अनुभवी आणि पक्षाचे ज्येष्ठ नेते आहेत, अशी प्रतिक्रिया पंकजा मुंडे यांनी एका खाजगी वृत्तवाहिनीशी बोलताना दिली आहे.

विधानसभेत पराभव झाल्यानंतर पंकजा मुडे या देखील नाराज होत्या. त्यांनी अनेकवेळा आपली नाराजी बोलून दाखवली होती. एकनाथ खडसे आणि पंकजा मुंडे या दोघांनीही एकत्रितपणे जाहीर कार्यक्रमांमधून आपल्या मनातील खदखद व्यक्त केली होती. मात्र, नुकतीच पंकजा मुंडे यांची भाजपच्या राष्ट्रीय सचिव म्हणून नियुक्ती करण्यात आली आहे. त्यामुळे भाजपाने त्यांची नाराजी दूर केलीय असं म्हटलं जात आहे.

दरम्यान, पंकजा मुंडे यांनी म्हटलं की, “जलयुक्त शिवार योजनेचा उद्धेश अत्यंत चांगला आणि लोकहिताचा आहे. चौकशी लावावी की नाही हा राज्य सरकारचा प्रश्न आहे. बीडमध्ये पाणी आडवा, पाणी जिरवा याचा किती फायदा झाला की हे लोकांना माहिती आहे. ही लोकांची योजना आहे”.

दरम्यान उपमुख्यमंत्री अजित पवार यांनी पुण्यात बोलताना यावर प्रतिक्रिया दिली. “हे जाणुनबुजून करत नाही. कॅगच्या अहवाल दोन दिवसांच्या अधिवेशनात सादर करण्यात आला होता. कॅगच्या अहवालावर कॅबिनेटमध्ये चर्चा झाली आणि त्यानंतर मुख्यमंत्र्यांनी आदेश दिले. तशा पद्धतीच्या सूचना गेल्या आहेत”.

News English Summary: There is talk in political circles that senior BJP leader Eknath Khadse is preparing to leave the party. He is also rumored to be joining the NCP soon. However, I am sure that Eknath Khadse will not leave the BJP. Khadse is an experienced and senior leader of the party, said Pankaja Munde while talking to a private news channel.

News English Title: BJP Pankaja Munde on Jalyukt Shivar Scheme Maharashtra Government News updates.