मुंबई महापालिकेच्या निवडणुका महाविकास आघाडी एकत्र लढणार - संजय राऊत

मुंबई, २५ ऑक्टोबर: करोनाच्या पार्श्वभूमीवर शिवसेनेचा यंदाचा दसरा मेळावा शिवाजी पार्कमध्ये न होता सभागृहात होणार आहे. यंदाच्या दसरा मेळाव्यात मुख्यमंत्री उद्धव ठाकरे काय बोलणार याबाबत सगळीकडेच चर्चा आहे. तर, विरोधी पक्ष असलेला भाजपला लक्ष्य करणार का, असंही विचारलं जातं आहे. यावर शिवसेना नेते संजय राऊत यांनी सूचक वक्तव्य केलं आहे.

राज्यात २०१९च्या विधानसभा निवडणुकीनंतर राजकीय गणिते बदलली असून भाजपच्याविरोधात महाविकास आघाडीच्या रूपाने महाराष्ट्रात विकास आघाडीचे सरकार स्थापन झाले आहे. साहजिकच यंदाच्या दसरा मेळाव्यात ज्याचा खरपूस समाचार घ्यायचा, असा भाजप हा एकमेव विरोधी पक्ष असणार आहे. त्यामुळं मुख्यमंत्री काय भूमिका घेणार याची उत्सुकता असतानाच संजय राऊत यांनी टार्गेट करणारं राजकारण शिवसेना कधीच करत नाही, असा खोचक टोला लगावला आहे.

दसरा मेळाव्यासंदर्भात बोलताना, आगामी महापालिका निवडणुकांवरही संजय राऊत यांनी भाष्य केलंय. आगामी महापालिका निवडणुकाही महाविकास आघाडीच्याच नेतृत्वात लढल्या जातील. महापालिकेत पुन्हा एकदा शिवसेनेच्या नेतृत्वात सत्ता येईल, असे भाकीत खासदार राऊत यांनी केलंय. अनेकजण म्हटले होते की, 11 दिवसांत सरकार पडेल. गणपतीला सरकारचे विसर्जन होईल, पण आता दसरा आला आहे. आमच्याकडे सर्व तयारी झाली आहे, आता त्यांच्याच खाली बॉम्ब फुटतील, असे म्हणत भाजपाला इशारा दिला. विशेष म्हणजे महापालिका निवडणुकांमध्येही महाविकास आघाडी एकत्र असेल, असे भाकीत राऊत यांनी केलंय.

News English Summary: Sanjay Raut has also commented on the upcoming municipal elections. The upcoming municipal elections will also be fought under the leadership of Mahavikas Aghadi. MP Raut has predicted that Shiv Sena will once again come to power in the Municipal Corporation. Many had said that the government would fall in 11 days. Ganpati will be immersed in the government, but now Dussehra has come.

News English Title: Mahavikas Aghadi will contest Mumbai Municipal Corporation elections together said MP Sanjay Raut News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.