Corona Vaccine Updates | पहिली स्वदेशी कोरोना लस मिळणार 'या’ तारखेला

मुंबई, २५ ऑक्टोबर: कोरोना व्हायरसच्या प्रादुर्भावामुळे पसरत असलेल्या कोव्हिड19 च्या फैलावाला प्रतिबंध घालण्यासाठी जगभर विविध ठिकाणी लसींबाबत संशोधन सुरु असून भारतात भारत बायोटेक ही कंपनीही प्राधान्याने ही लस तयार करण्याच्या प्रयत्नांत आहे. कंपनीच्या म्हणण्यानुसार सर्वात निर्धोक आणि पूर्णता: भारतीय बनावटीची कोव्हॅक्‍सिन ही लस वर्ष 2021 च्या जून महिन्यापर्यंत बाजारात येऊ शकेल. नुकतीच या कंपनीच्या लसीला तिसऱ्या टप्प्यातील चाचणीसाठी परवानगी मिळाली असून तिसऱ्या टप्प्यातील चाचणी येत्या नोव्हेंबरपासून सुरू होऊ शकते अशी माहिती मिळाली आहे.

कोरोनाचा विळखा जनगभरात वाढत आहे. भारतातही कोरोनाचे रुग्ण अजूनही दररोज 50 हजारहून अधिक वाढत आहेत. त्यामुळे कोरोनाची लस लवकरात लवकर उपलब्ध व्हावी यासाठी सर्वजण प्रतीक्षा करत आहेत. ऑक्‍सफर्ड आणि सीरम इन्स्टिट्यूटनं तयार केलेल्या लसीची चाचणी देखील सध्या तिसऱ्या टप्प्यात सुरू आहेत. हैदराबादस्थित भारत बायोटेक या कंपनीने 2 ऑक्‍टोबर रोजी डीसीजीआयकडे तिसऱ्या टप्प्यातील चाचणीसाठी अर्ज केला होता. त्यानंतर या कंपनीला परवानगी देण्यात आली आहे. 12 ते 14 राज्यातील 20 हजारहून अधिक नागरिकांवर या लशीची चाचणी होणार आहे. मार्च अखेरपर्यंत या लसीचे सर्व परिणामांची माहिती मिळू शकते त्यामुळे जूनपर्यंत ही लस उपलब्ध करून देता येऊ शकते असं भारत बायोटेक इंटरनॅशनल लिमिटेडने दावा केला आहे.

कोरोना लसीच्या निर्मितीमधील मोठा भाग हा भारतात तयार होण्याची शक्‍यता असल्याचं बिल आणि मेलिंडा गेट्‌स फाउंडेशनचे प्रमुख मार्क सुजमन यांनी सांगितलं होतं. भारत लस तयार करण्यासाठी प्रयत्न करत असून पुढील वर्षापर्यंत एखादी लस बाजारात येण्याचा विश्वास त्यांनी व्यक्त केला होता. मजबूत खासगी क्षेत्रामुळे हे शक्‍य असल्याचं देखील त्यांनी म्हटले आहे.

दरम्यान, देशातील करोना संसर्गाचा वेग काहीसा मंदावल्याचे दिसत असले, तरी देखील नवीन करोनाबाधित अद्यापही मोठ्या संख्येने आढळत आहेत. शिवाय, करोनामुळे मृत्यू होणाऱ्यांच्या संख्येतही भर पडतच आहे. मागील २४ तासांमध्ये देशभरात ५० हजार १२९ नवे करोनाबाधित आढळले असून, ५७८ रुग्णांचा मृत्यू झाला आहे. याचबरोबर देशातील एकूण करोनाबाधितांची संख्या आता ७८ लाख ६४ हजार ८११ वर पोहचली आहे.

देशभरातील एकूण ७८ लाख ६४ हजार ८११ करोनाबाधितांच्या संख्येत ६ लाख ६८ हजार १५४ अॅक्टिव्ह केसेस, डिस्चार्ज मिळालेले ७० लाख ७८ हजार १२३ जण व आतापर्यंत मृत्यू झालेल्या १ लाख १८ हजार ५३४ जणांच्या संख्येचा समावेश आहे. २४ ऑक्टोबर पर्यंत देशात १०,२५,२३,४६९ नमूने तपासण्यात आले आहेत. तर, यातील ११ लाख ४० हजार ९०५ नमून्यांची काल तपासणी झाली आहे. आयसीएमआरच्या हवाल्याने हे वृत्त देण्यात आले आहे.

News English Summary: Research on vaccines is underway in various parts of the world to curb the spread of Covid 19 due to the outbreak of Corona virus, and India Biotech in India is also working on the vaccine. According to the company, the safest and most complete: Indian-made COVAXIN vaccine is expected to hit the market by June 2021. The company’s vaccine has recently been approved for a third phase of testing, with testing expected to begin in November.

News English Title: First indigenous corona vaccine will available in June 2020 News updates.