घटनापीठापुढेच आम्हाला मराठा आरक्षणाचा मुद्दा मांडायचा आहे - अशोक चव्हाण

नवी दिल्ली, २७ ऑक्टोबर:  सर्वोच्च न्यायालयात उद्या मराठा आरक्षणावर सुनावणी होणार आहे. न्या. नागेश्वर राव यांच्या अध्यक्षतेखालील तीन न्यायमूर्तींच्या खंडपीठाने मराठा आरक्षणाला अंतरिम स्थगिती देताना हे प्रकरण पाच न्यायमूर्तींच्या खंडपीठाकडे सोपिवले होते. मात्र उद्याची सुनावणी न्या. नागेश्वर राव यांच्याच खंडपीठापुढे होणार असल्याने उद्या काय होणार, याबाबत कमालीची उत्कंठा लागून होती.

दरम्यान, मराठा आरक्षणावरील सुनावणी चार आठवड्यांसाठी पुढे ढकलण्यात आली आहे. मराठा आरक्षणाप्रकरणी आज सर्वोच्च न्यायालयात सुनावणी पार पडली. सर्वोच्च न्यायालयानं मराठा आरक्षणाला स्थगिती दिल्यानंतर पहिल्यांदाच सुनावणी ही सुनावणी पार पडली. राज्यात मराठा आरक्षणाला स्थगिती मिळाल्यानंतर असणारी नाराजी तसंच आरोप-प्रत्यारोप होत असताना होणाऱ्या या सुनावणीकडे सर्वांच लक्ष लागलं होतं.

यावर अशोक चव्हाण यांनी देखील सरकारची बाजू मांडली आहे. आम्हाला घटनापीठापुढेच मराठा आरक्षणाचा मुद्दा मांडायचा आहे. सरकारी वकील गैरहजर राहणं हा काही मोठा मुद्दा नाही. आमची भूमिका अत्यंत स्पष्ट आहे. मराठा आरक्षण प्रकरणी सरकारी वकील हजर नसण्याला काहीही अर्थ नव्हता. आम्हाला सुनावणी मोठ्या खंडपीठासमोर म्हणजेच घटनापीठासमोरच आमचं म्हणणं मांडायचं आहे. सरकार म्हणून आमचा तोच प्रयत्न राहिल. सरकारी वकील व्हिसी कनेक्ट न झाल्याने सुनावणीसाठी हजर राहू शकले नाहीत पण तो मुद्दा महत्त्वाचा नाही असंही अशोक चव्हाण यांनी म्हटलं आहे. आम्ही मराठा आरक्षणासाठी गंभीर नाही हा जो आरोप विरोधकांकडून केला जातो आहे तो राजकीय हेतूने प्रेरित आहे असंही त्यांनी म्हटलं आहे.

News English Summary: Ashok Chavan has also sided with the government. We want to raise the issue of Maratha reservation before the bench. Absence of public prosecutor is not a big issue. Our role is very clear. The absence of public prosecutor in the Maratha reservation case made no sense. We want to present our case before the big bench. We will continue to make the same effort as the government. Prosecutors could not attend the hearing as VC was not connected, but Ashok Chavan said the issue was not important.

News English Title: We Want To Raise The Issue Of Maratha Reservation Right Before The Bench Says minister Ashok Chavan News updates.