जम्मू काश्मीर आणि लडाखमध्ये आता कोणीही जमीन खरेदी करू शकेल

नवी दिल्ली, २७ ऑक्टोबर: केंद्रातील मोदी सरकारने मोठा निर्णय घेतला आहे. आता देशातील कोणतीही व्यक्ती जम्मू-काश्मीरमध्ये जमीन खरेदी करुन तेथे स्थायिक होऊ शकते. मात्र, शेतजमिनीवरील बंदी अद्याप कायम असणार आहे. मंगळवारी गृह मंत्रालयाने एक नवीन अधिसूचना जारी केली आहे.

जम्मू-काश्मीरचे उपराज्यपाल मनोज सिन्हा याबाबत माहिती देताना म्हणाले की, बाहेरचे उद्योग जम्मू-काश्मीरमध्ये यावेत अशी आमची इच्छा आहे. यासाठी औद्योगिक जमिनीत गुंतवणुकीची आवश्यकता आहे. मात्र, शेतजमिनी केवळ राज्यातील लोकांकडेच राहातील. या अगोदर जम्मू-काश्मीरमध्ये केवळ स्थानिक लोकचं जमिनीच खरेदी-विक्री करू शकत होते. मात्र, मोदी सरकारच्या या नव्या निर्णयानुसार आता राज्याबाहेर लोकांना देखील या ठिकाणी जमीन खरेदी करता येणार आहे.

Ministry of Home Affairs notifies UT of Jammu and Kashmir Reorganisation (Adaptation of Central Laws) Third Order, 2020. pic.twitter.com/cp00fIaSiJ

— ANI (@ANI) October 27, 2020

आधी विशेष राज्य असलेल्या जम्मू काश्मीरमध्ये फक्त स्थानिकांनाच जमिनीचे व्यवहार करण्याचा अधिकार होता. भारताचे घटक राज्य असूनही देशाच्या इतर भागांमध्ये राहणाऱ्या भारतीय नागरिकांना जम्मू काश्मीरमध्ये जमिनीचे व्यवहार करण्याची परवानगी नव्हती. नव्या कायद्यामुळे हा अडथळा दूर झाला.

आधी जम्मू काश्मीरमधील मुलीने अन्य राज्यातील मुलाशी लग्न केल्यास त्या मुलीला जम्मू काश्मीरमधील संपत्तीवरचे सर्व हक्क सोडावे लागत होते. पण कलम ३७० आणि ३५ अ रद्द झाल्यामुळे मुलींवरचा हा अन्याय दूर झाला. पाठोपाठ भूमी कायदाही झाला. यामुळे जम्मू काश्मीरमध्ये गुंतवणूक करण्याचा मार्ग आणखी प्रशस्त झाला.

News English Summary: The ministry of home affairs (MHA) on Tuesday notified new laws for the Union territories of Jammu and Kashmir and Ladakh. The MHA notified what it calls UT of Jammu and Kashmir Reorganization (Adaptation of Central Laws) Third Order, 2020. The Centre has repealed or substituted 26 state laws. As per the notification, any Indian citizen can buy land in J&K and in Ladakh. The Centre has omitted “being a permanent resident of the state” as a precondition to buy land in J&K and in Ladakh.

News English Title: Indian Citizen Can Buy Land In Jammu Kashmir And In Ladakh News Updates.