केंद्रीय मंत्री स्मृती इराणींना कोरोनाची लागण

नवी दिल्ली, २८ ऑक्टोबर : जगभरात कोरोना व्हायरसने थैमान घातलं आहे. भारतात देखील त्याचं प्रमाण वाढत आहे. या घातक आजरामुळे आतापर्यंत बर्‍याच लोकांनी आपले प्राण देखील गमावले आहेत. देशातील अनेक नामांकित व्यक्तींबरोबरच काही केंद्रीय मंत्रीदेखील या आजाराला बळी पडले आहेत. त्यातच आता केंद्रीय मंत्री स्मृती इराणी (Smriti Irani) यांना देखील कोरोनाची लागण झाली आहे. (covid positive) याबाबत स्वत: स्मृती इराणी यांनी ट्विटरवरुन माहिती दिली आहे. माझी कोविड-१९ चाचणी पॉझिटिव्ह आली आहे. जे लोकं माझ्या माझ्या संपर्कात आले आहेत त्यांनी लवकरात लवकर स्वत:ची तपासणी करुन घ्यावी. ही विनंती.

Union Minister Smriti Irani has tested positive for #COVID19 pic.twitter.com/6aXnqogZ1t

— ANI (@ANI) October 28, 2020

कोरोनाचा विळखा पंतप्रधान नरेंद्र मोदी यांच्या मंत्रीमंडळालाही बसला आहे. गेल्या महिन्यात गृह मंत्री अमित शहा यांनादेखील कोरोना झाला होता. तसेच अन्य मंत्र्यांनादेखील कोरोना झाला होता. गेल्याच महिन्यात केंद्रीय मंत्री सुरेश अंगडी यांचे कोरोनामुळे दिल्लीत निधन झाले होते. त्यांच्यावर दिल्लीतच अंत्यसंस्कार करण्यात आले होते. याशिवाय आरबीआयचे गव्हर्नर शक्तिकांत दास यांना रविवारी कोरोनाची लागण झाली आहे. तसेच केंद्रीय मंत्री रामदास आठवलेंनाही कोरोनाची लागण झाली आहे.

News English Summary: Union Minister Smriti Irani on Wednesday said she has tested positive for the coronavirus. “It is rare for me to search for words while making an announcement; hence here’s me keeping it simple – I’ve tested positive for #COVID and would request those who came in contact with me to get themselves tested at the earliest,” she wrote.

News English Title: Union Minister Smriti Irani Tests Positive For Coronavirus News Updates.