लोकांना २००० बिल येत होतं तिथे १० हजार बिल येत आहे | राज्य सरकारला माहिती आहे मग..

मुंबई, २९ ऑक्टोबर: मनसे अध्यक्ष राज ठाकरे यांनी आज राज्यपाल भगतसिंह कोश्यारी यांची राजभवनावर भेट घेतली. राज्यातील वाढीव वीज बिल प्रश्नाविषयी राज ठाकरेंनी भेट घेतली आहे. यावेळी राज्यपालांनी राष्ट्रवादीचे सर्वेसर्वा शरद पवार यांचा सल्ला घेण्यास राज ठाकरे यांना सांगितले.

राज ठाकरे म्हणाले कि, वाढीव वीज बिलाप्रश्नी राज्यपालांशी चर्चा करण्यात आली. गेली अनेक दिवस माझा पक्ष, कार्यकर्ते प्रकरणी आंदोलन करत आहेत. परंतु, याप्रकरणी कंपन्या एमईआरसीकडे बोट दाखवत आहेत, दुसरीकडे एमईआरसी आमचे काही दडपण नाही म्हणत आहे.

“नितीन राऊत यांच्याशी बोलणं झालं. त्यांनी लवकरात लवकर निर्णय घेऊ सांगितलं, पण अजून तो होत नाही. राज्यपालांशी बोलल्यानंतर त्यांनी एकदा शरद पवारांशी बोलून घ्या सांगितलं. मी पवार साहेबांशीही बोलणार आहे. मला वाटतं हा विषय राज्य सरकारला माहिती आहे. लोकांना जिथे २००० बिल येत होतं तिथे १० हजार बिल येत आहे. राज्य सरकारला माहिती आहे तर मग प्रकरण कशात अडकलं आहे कळत नाही,” अशी टीका राज ठाकरेंनी केली आहे.

“अनेकांचे रोजगार गेलेत, पैसे नाहीत त्यात बिल कसे भरणार? एका छोट्या निर्णयासाठी एवढे दिवस लागणार याला काय अर्थ आहे. एक दोन दिवसात निर्णय घ्यावा अशी विनंती आहे. राज्यपालही बोलणार आहेत. सरकार आणि राज्यपालांचं फार सख्य असल्याने विषय किती पुढे जातील कल्पना नाही. पण ते सरकारसमोर गोष्ट मांडतील,” अशी अपेक्षा राज ठाकरेंनी व्यक्त केली आहे.

News English Summary: Talked to Nitin Raut. He told me to make a decision as soon as possible, but it has not happened yet. After talking to the Governor, he once asked him to talk to Sharad Pawar. I will also talk to Mr. Pawar. I think the state government is aware of this. People are getting 10,000 bills where 2000 bills were coming. If the state government knows, then it does not know what is involved in the case, said Raj Thackeray.

News English Title: MNS Chief Raj Thackeray angry on State Government about having all information regarding high electricity bills news updates.