नारायण राणेंविरोधात बार्शी पोलिसांत तक्रार दाखल | मुख्यमंत्र्यांवर टीका भोवली

बार्शी , २९ ऑक्टोबर: भारतीय जनता पार्टीचे खासदार नारायण राणे यांच्याविरोधात सोलापूर जिल्ह्यात तक्रार दाखल करण्यात आली असून, नारायण राणे यांनी राज्याचे मुख्यमंत्री उद्धव ठाकरे यांच्यावर खालच्या पातळीवर टीका केली आहे. दरम्यान राणे यांनी मुख्यमंत्र्यावर टीका करताना ‘गांडूळ, पुळचट’ यासारखे शब्द वापरले होते, त्यामुळे त्यांच्यावर बार्शी पोलीस स्टेशनमध्ये तक्रार दाखल करण्यात आली आहे.

दरम्यान राणे यांनी आपल्या भाषणातून मुख्यमंत्र्यांचा अपमान केला असल्याचा आरोप करण्यात आला आहे. यावरून शिवसेना नेते भाऊसाहेब आंधळकर यांनी बार्शी पोलीस ठाण्यात नारायण राणेंविरोधात तक्रार दिली, त्यावरुन कलम ५०४, ५०६ नुसार अदखलपात्र एनसी दाखल करण्यात आली आहे.

मुख्यमंत्री उद्धव ठाकरे यांनी रविवारी दसरा मेळाव्यात भाजप खासदार नारायण राणे आणि त्यांच्या दोन्ही मुलांना बेडूक आणि बेडकाची पिल्ले, अशा अप्रत्यक्ष शब्दांत टोले लगावले होते. दरम्यान उद्धव ठाकरे यांनी केलेल्या टीकेला नारायण राणे यांनी सोमवारी मुंबईतील भाजप मुख्यालयात आयोजित करण्यात आलेल्या पत्रकार परिषदेत प्रत्युत्तर दिले. यावेळी नारायण राणे यांनी उद्धव ठाकरे यांचा अक्षरश: पाणउतारा केला आहे.

News English Summary: A complaint has been lodged against Bharatiya Janata Party MP Narayan Rane in Solapur district, with Narayan Rane criticizing state Chief Minister Uddhav Thackeray at a lower level. Meanwhile, Rane had used words like ‘earthworm, pulchat’ while criticizing the Chief Minister, so a complaint has been lodged against him at the Barshi police station.

News English Title: Complaint against MP Narayan Rane in Barshi for insulting CM Uddhav Thackeray News updates.