अभिव्यक्ती स्वातंत्र्य महत्वाचं | मात्र त्यालाही एक सीमा असते | कॅनडाचे पंतप्रधान

ओटावा, १ नोव्हेंबर: फ्रान्समध्ये कट्टरपंथीयांकडून होणारे हल्ले थांबण्याचं नाव घेत नाही. 72 तासांत दुसऱ्यांदा एकदा हल्ला झाला आहे. फ्रान्सच्या ल्योन सिटीमध्ये चर्चच्या गेटवर चर्चच्या फादरवर गोळी झाडून अज्ञात हल्लेखोर फरार झाला आहे. चर्चच्या धर्मोपदेशकाला मारल्यामुळे परिसरात मोठी खळबळ उडाली आहे. 72 तासांतला हा दुसरा हल्ला असल्याचं सांगितलं जात आहे. डॉक्टरांनी दिलेल्या माहितीनुसार ग्रीक पारंपरिक चर्चमधील फादरवर खूप जवळून या गोळ्या झाडण्यात आल्या होत्या.

या हल्ल्यात चर्चचे मुख्य धर्मोपदेशन गंभीर जखमी झाले असून रुग्णालयात दाखल करण्यात आलं आहे. त्यांची प्रकृती सध्या अत्यंत गंभीर असल्याची माहिती मिळत आहे. फरार झालेल्या हल्लेखोराचा पोलिसांकडून शोध सुरू आहे. पोलिसांनी दिलेल्या माहितीनुसार हल्लेखोरांनी लांब काळा कोट घातला होता. या कोटात त्यानं बंदूक लपवून ठेवली होती. ल्योन चर्चच्या जवळ जात त्यानं फादरवर हल्ला केला आणि तिथून पळ काढला. फारदवर हल्ला झाल्यानंतर तिथे उपस्थित असलेल्या लोकांनी त्यांना रुग्णालयात तातडीनं दाखल केलं आहे. हल्लेखोरांचा यामागे काय उद्देश आहे याबाबत कोणतीही माहिती मिळू शकली नाही.

दरम्यान, कॅनडाचे पंतप्रधान जस्टिन ट्रुडो यांनी इस्लामिक कट्टरता आणि अभिव्यक्ती स्वतंत्र्यासंदर्भात आपले मत व्यक्त केले आहे. पंतप्रधान ट्रूडो यांनी शुक्रवारी अभिव्यक्ती स्वातंत्र्याचा बचाव केला. मात्र याच बरोबर, याला एक सीमा असते असेही त्यांनी म्हटले आहे. याशिवाय, कुठल्याही समाजाच्या भावना जाणूनबुजून दुखावणे चुकीचे असल्याचेही कॅनाडाचे पंतप्रधान ट्रुडो यांनी म्हटले आहे.

फ्रान्समधील व्यंग्यचित्र मॅगझीन शार्ली हेब्दोमध्ये छापल्या गेलेल्या पैगंबर मोहम्मदांच्या व्यंगचित्रावरून (cartoons) ट्रुडो यांना प्रश्न विचारण्यात आला होता. यावर ट्रुडो म्हणाले, आम्ही नेहमीच अभिव्यक्ती स्वातंत्र्याचा बचाव करू. मात्र, अभिव्यक्ती स्वातंत्र्यालाही एक सीमा आहे. आपण इतरांचा सन्मान करायला हवा. तसेच ज्यांच्यासोबत आपण हा समाज आणि भूभाग शेअर करत आहोत त्यांना जाणूनबुजून दुखवू नये.

News English Summary: Canadian Prime Minister Justin Trudeau defended free speech on Friday, but added that it was “not without limits” and should not “arbitrarily and needlessly hurt” certain communities. “We will always defend freedom of expression,” Trudeau said in response to a question about the right to show a caricature of the Prophet Mohammed, as France’s Charlie Hebdo magazine did. “But freedom of expression is not without limits,” he added. “We owe it to ourselves to act with respect for others and to seek not to arbitrarily or unnecessarily injure those with whom we are sharing a society and a planet.”

News English Title: Free speech has limits Canadas PM Trudeau Prophet cartoons France News Updates.