अकरावी प्रवेश | राज ठाकरेंची शिक्षण मंत्र्यांसोबत फोनवर चर्चा | उद्या निर्णय अपेक्षित

मुंबई, २ नोव्हेंबर: बऱ्याच दिवसांपासून रखडलेल्या अकरावी प्रवेश प्रक्रियेवर मार्ग निघत नसल्याने कोचिंग क्लासच्या शिष्टमंडळाने आणि पालकांनी आज महाराष्ट्र नवनिर्माण सेनेचे अध्यक्ष राज ठाकरे यांची कृष्णकुंजवर भेट घेऊन सदर विषयात लक्ष घालण्याची विनंती केली. राज्य सरकारच्या निर्णयांमुळे अकरावीची प्रवेश प्रक्रिया लांबणीवर गेली आणि नेमकी कॉलेजेस केव्हा सुरु होणार याबाबत पालक आणि विद्यार्थ्यांमध्ये प्रचंड संभ्रम असल्याचं पाहायला मिळत आहे. त्यात विद्यार्थ्यांच्या शैक्षणिक वर्षाचा प्रश्न निर्नाम झाल्याने अनेकांची भविष्य टांगणीला लागली आहेत. तसेच काही विद्यार्थ्यांची अ‍ॅडमिशन झाली आहेत, यावर राज ठाकरेंशी सविस्तर चर्चा झाल्याचं वृत्त आहे.

बैठकी दरम्यान काही पालकांनी फी वाढीचा देखील मुद्दा देखील उचलून धरला. विशेष म्हणजे राज्य सरकारच्या अधिकृत GR नंतर देखील काही शाळांनी फी वाढ करून सरकारच्या निर्णयाला केराची टोपली दाखविल्याच निदर्शनास आणून दिलं आहे. तसेच शाळांसोबत कोचिंग क्लासेस सुरु करावेत, या मागणीसाठी आज कोचिंग क्लासेसचे मालक देखील राज ठाकरेंची भेट घेणार आहेत.

दरम्यान, अकरावी प्रवेशाचा प्रश्न मार्गी लागावा यानिमित्ताने राज ठाकरे यांनी थेट शालेय शिक्षण मंत्री वर्षा गायकवाड यांच्यासोबत फोन सविस्तर चर्चा केली आणि त्यानंतर आज संध्याकाळी होणाऱ्या बैठकीत निर्णय होणार असल्याचं त्यांनी राज ठाकरेंच्या कानावर घातलं आहे. त्यामुळे याबाबत उद्यापर्यंत सविस्तर माहिती देऊन प्रश्न मार्गी लागण्याच्या हालचाली राज्य सरकारच्या दरबारी होणार असल्याचं वृत्त आहे.

News English Summary: The coaching class delegation and parents today called on Maharashtra Navnirman Sena president Raj Thackeray at Krushnakunj and asked him to look into the matter. Due to the decisions of the state government, the admission process of class XI has been postponed and there is a lot of confusion among parents and students as to when the colleges will start. The future of many is hanging in the balance as the question of students’ academic year has been raised in it. Also, some students have been admitted, it is reported that a detailed discussion has been held with Raj Thackeray on this.

News English Title: MNS Chief Raj Thackeray talked with Education minister Varsha Gaikawad regarding eleventh standard admission process news updates.