कोल्हापूरमधून निवडून येणार होतात | मग मेधा कुलकर्णींचं तिकीट का कापलं

नाशिक, ३ ऑक्टोबर : राज्यातील २०१९ मधील विधानसभा निवडणुकीत कोल्हापूरमधून निवडून येणार होतात असं म्हणता मग पुण्यात कोथरूड मधून मेधा कुलकर्णी  (BJP Former MLA Medha Kulkarni) यांचा अधिकार भारतीय जनता पक्षाने का डावलला? असा प्रतिप्रश्न करत अन्न आणि औषध मंत्री छगन भुजबळ (Minister Chhagan Bhujbal) यांनी भारतीय जनता पक्षाचे प्रदेशाध्यक्ष चंद्रकांत पाटील (BJP State President Chandrakant Patil) यांना सणसणीत टोला लगावला आहे. कालच त्यांनी राष्ट्रवादीला आव्हानाची भाषा करताना कोल्हापुरातून निवडून आलो नाही, तर हिमालयात जाईन, असं राजकीय चॅलेंज दिलं होतं. त्यानंतर राष्ट्रवादीच्या नेत्यांनी त्यांना राजकीय चिमटे काढण्यास सुरुवात केली आहे.

महाराष्ट्राचे राज्यपाल भगतसिंग कोश्यारी यांच्या हस्ते महाराष्ट्र आरोग्य विज्ञान विद्यापीठाच्या प्रशासकीय इमारत नूतनीकरणाचे उद्घाटन झाले. यावेळी राज्याचे अन्न आणि नागरी पुरवठा मंत्री तसेच नाशिकचे पालकमंत्री छगन भुजबळ, वैद्यकीय शिक्षण मंत्री अमित देशमुख, कुलगुरु डॉ. दिलीप म्हैसेकर, कुलगुरु डॉ. मोहन खामगावकर उपस्थित होते. यावेळी छगन भुजबळ यांनी चंद्रकांत पाटील यांना टोला लगावला.

“(राज्यपाल) महोदय यांच्या उपस्थितीत आगामी दोन वर्षांत सर्व इमारती बांधा” अशी राजकीय कोपरखळी देखील छगन भुजबळांनी लगावली. त्याला लागलीच राज्यपालांनीही प्रतिउत्तर दिलं. तब तक क्या सीन रहेगा? या कोश्यारींच्या प्रश्नावर भुजबळ म्हणाले “हम तब भी आपके साथ ही रहेंगे” या दोघांच्या जुगलबंदीनं व्यासपीठावर उपस्थितांसमोर एकच हशा पिकला.

News English Summary: Saying that they will be elected from Kolhapur in the 2019 assembly elections in the state, then why did the Bharatiya Janata Party deprive Medha Kulkarni of her rights from Kothrud in Pune? Responding to this, Food and Drug Minister Chhagan Bhujbal has lashed out at BJP state president Chandrakant Patil. Yesterday, while challenging the NCP, he had given a political challenge that he would not go to the Himalayas but would be elected from Kolhapur. Since then, NCP leaders have started pinching him politically.

News English Title: Minister Chhagan Bhujbal taunts BJP State President Chandrakant Patil asks why Medha Kulkarni denied ticket from Pune News updates.