सुशांतच्या कुटुंबियांसाठी धावलेली लाखो फेक अकाउंट नाईक कुटुंबियांच्यावेळी हरवली

मुंबई, ४ नोव्हेंबर: बॉलीवूड अभिनेता सुशांत सिंह राजपूत आत्महत्या प्रकरणी अनेक धक्कादायक वास्तव समोर येताना दिसत आहेत. देशातील सर्वोत्तम आणि जगात स्कॉटलंड यार्डशी पोलिसांशी तुलना करण्यात येणाऱ्या मुंबई पोलिसांच्या भूमिकेवर सुरुवातीला समाज माध्यमांवर संशयाचं वातावरण निर्माण करण्यात आलं होतं. समाज माध्यमांनी एकप्रकारे मुंबई पोलिसांनाच तपासावरून आरोपीच्या पिंजऱ्यात उभं केलं होतं. त्यासाठी मोठ्या प्रमाणावर समाज माध्यमांचा उपयोग करण्यात आला होता. परंतु , सदर प्रकरणात मुंबई पोलिसांची प्रचंड प्रमाणात बदनामी करण्यासाठी समाज माध्यमांवर फेक अकाऊंट ओपन केल्याची धक्कादायक माहिती समोर आली आहे.

विशेष म्हणजे मुंबई पोलीस आणि ठाकरे सरकारला सुशांत सिंह राजपूत प्रकरणात बदनाम करण्यासाठी समाज माध्यमांवर BOTS चा वापर केला गेला होता. समाज माध्यमांवर तब्बल दीड लाखांहून अधिक बनावट अकाऊंट तयार करण्यात आले, अशी धक्कादायक माहिती मुंबई पोलिसांनी दिली होती.

दुसरीकडे आज अर्णब गोस्वामीला अटक झाली आणि अन्वय नाईक या मराठी उद्योजकच्या पत्नीने आणि मुलीने पत्रकार परिषद घेतली. दरम्यान, त्यांनी महाराष्ट्र पोलीस आणि राज्य सरकारचे आभार मानले. यावेळी अन्वय नाईक यांची पत्नी अक्षता नाईक भावुक झाल्याचं पाहायला मिळालं. यावेळी त्यांनी संपूर्ण घटनाक्रम माध्यमांच्या समोर कथन केला.

दरम्यान संपूर्ण विषय महाराष्ट्राने ऐकल्यावर समाज माध्यमांवर मराठी उद्योजक नाईक कुटुंबियांना मराठी नेटिझन्सचा पूर्ण पाठिंबा मिळताना दिसत, ज्याला अपवाद ठरत ठरत आहेत ते भारतीय जनता पक्षाचे समर्थक. एकूण राज्यातील किंवा देशातील भाजपाला मराठी उद्योजक नाईक कुटुंबियांबद्दल कोणतीही आत्मीयता किंवा सहानुभूती असल्याचं दिसत नाही हे विशेष म्हणावे लागेल. त्यात सुशांत सिंगच्या कुटुंबियांसाठी कार्यरत झालेली समाज माध्यमांवरील फेक अकाउंट्स सध्या नाईक कुटुंबियांच्या बाबतीत हरवल्याचे चित्र समाज माध्यमांवर दिसत आहे.

News English Summary: After hearing the whole issue from Maharashtra, on social media, the Marathi entrepreneur Naik’s family seemed to be getting the full support of Marathi netizens, with the exception of Bharatiya Janata Party supporters. It has to be said that the BJP as a whole does not seem to have any sympathy or sympathy for the Marathi businessman Naik family. The fake accounts on social media working for Sushant Singh’s family are now missing in the case of Naik’s family.

News English Title: Social Media fake account working for Sushant Singh Rajput is lost somewhere News updates.