ट्रम्प आणि बायडन यांच्यात अटीतटीची लढत | पण सत्तांतराचे संकेत

वॉशिंग्टन, ०५, नोव्हेंबर: अमेरिकेच्या राष्ट्राध्यक्षपदासाठीचे प्रत्यक्ष मतदान संपल्यानंतर मतमोजणीला कालपासूनच सुरुवात झाली आहे. दरम्यान, सुरुवातीच्या मतमोजणी कलानुसार, विद्यमान राष्ट्राध्यक्ष डोनाल्ड ट्रम्प आणि डेमोक्रॅटीक पक्षाचे उमेदवार जो बायडन यांच्यात अत्यंत चुरशीची आणि अटीतटीची लढत पाहायला मिळत आहे.

विशेष म्हणजे अमेरिकेच्या राष्ट्राध्यक्षपदाच्या निवडणुकीत तेथील मतदार वर्ग मोठ्या प्रमाणावर राजकीय दृष्ट्या विभाजित झाल्याचे स्पष्ट झालं आहे. विद्यमान राष्ट्राध्यक्ष आणि रिपब्लिकन पक्षाचे उमेदवार डोनाल्ड ट्रम्प आणि त्यांना आव्हान देणारे डेमोक्रॅटिक पक्षाचे उमेदवार जो बायडेन या दोघांनी आपापले पारंपरिक मतदार गड स्वतःकडे राखले आहेत. त्यामुळे नेमका निकाल काय लागणार याबाबत उत्कंठा शिगेला पोहोचली आहे.

परिणामी निकाल फिरवू शकतील अशा मोजक्या राज्यांकडे सर्वांचं लक्ष केंद्रित झालं आहे. तर दुसऱ्याबाजूला ट्रम्प यांनी आपलाच विजय होणार असा ठामपणे दावा केला होता. यावरून डेमोक्रेटिक पक्षाचे राष्ट्राध्यक्षपदाचे उमेदवार जो बायडेन यांनी ट्रम्प यांच्यावर निशाणा साधला आहे. त्यांनी यासंदर्भात एक ट्वीट केलं आहे.

Power can’t be taken or asserted, it flows from the people, and it’s their will that determines who will be the President of the United States.

— Joe Biden (@JoeBiden) November 4, 2020

News English Summary: The counting of votes has begun since the actual voting for the US presidency ended. Meanwhile, according to the initial counting of votes, the current President Donald Trump and the Democratic candidate Joe Biden are facing a fierce battle.

News English Title: United States Presidential election 2020 vote counting result live news updates