एका युवराजला वाचवायला महाराष्ट्रालाच का खोटे ठरवताय? | आ. शेलार यांचा सवाल

मुंबई, ०५, नोव्हेंबर: Republic TV’चे संपादक अर्णब गोस्वामी यांना अटक झाल्यानंतर राज्यात भारतीय जनता पक्ष आणि शिवसेनेत चांगलाच राजकीय कलगीतुरा रंगला आहे. त्यात आज शिवसेना खासदार संजय राऊत यांनी सामनातून पुन्हा भारतीय जनता पक्षातील नेत्यांना अग्रलेखाद्वारे लक्ष केल्याने भाजपच्या नेत्यांनी देखील प्रतिउत्तर देण्यास सुरुवात केली आहे.

याच प्रकरणावरून भाजपाचे आमदार आशिष शेलार यांनी संजय राऊत आणि पर्यावरण मंत्री आदित्य ठाकरे यांना लक्ष केलं आहे. आमदार आशिष शेलार यांनी ट्विट करत राऊत यांच्यासह आदित्य ठाकरे आणि मुंबईचे पोलीस आयुक्त परमवीर सिंह यांच्यावर तिखट शब्दात टीकास्त्र सोडलं आहे.

या संदर्भात ट्विट करताना आ. आशिष शेलार यांनी म्हटलं आहे की, “रोज अस्मितेची ढाल काढून त्यामागे लपणे तुम्ही आधी थांबवा! अन्वय नाईक यांना न्याय मिळायलाच हवा, पण एक मराठी कुटुंब उभे करुन तुम्ही रिया चक्रवर्तीला का वाचवताय? एका मराठी कुटुंबाची ढाल करुन “दिशा सालीयन” बाबत बोलणाऱ्यांची तोंड का बंद करताय? बात और भी निकलेगी…,” असा इशारा आमदार आशिष शेलार यांनी शिवसेनेला दिला आहे.

रोज अस्मितेची ढाल काढून त्यामागे लपणे तुम्ही आधी थांबवा!

अन्वय नाईक यांना न्याय मिळायलाच हवा,
पण एक मराठी कुटुंब उभे करुन तुम्ही रिया चक्रवर्तीला का वाचवताय?
एका मराठी कुटुंबाची ढाल करुन
“दिशा सालीयन” बाबत बोलणाऱ्यांची तोंड का बंद करताय?
बात और भी निकलेगी…
1/2

— Adv. Ashish Shelar – ॲड. आशिष शेलार (@ShelarAshish) November 5, 2020

“त्यावेळी आमच्या महाराष्ट्र पोलिसांनी केलेला तपास आणि संपूर्ण पोलीस दल यांना खोटे ठरवून आता एका “सिंह” यांना “परमवीर” का देताय? खरी नौटंकी तर हीच आहे. एका “युवराजला” वाचवायला महाराष्ट्रालाच का खोटे ठरवताय? पत्रपंडित हो, अग्रलेखाच्या शाईचे डाग तुमच्या सदऱ्यावर दिसू लागलेत?,” असं टीकास्त्र आमदार शेलार यांनी शिवसेना खासदार संजय राऊत यांच्यावर डागलं आहे.

त्यावेळी आमच्या महाराष्ट्र पोलीसांनी केलेला तपास आणि संपूर्ण पोलीस दल यांना खोटे ठरवून आता एका “सिंह” यांना “परमवीर” का देताय?

खरी नौटंकी तर हीच आहे.
एका “युवराजला” वाचवायला महाराष्ट्रालाच का खोटे ठरवताय?

पत्रपंडित हो,अग्रलेखाच्या शाईचे डाग तुमच्या सदऱ्यावर दिसू लागलेत?
2/2

— Adv. Ashish Shelar – ॲड. आशिष शेलार (@ShelarAshish) November 5, 2020

News English Summary: After the arrest of Arnab Goswami, the editor of Republic TV, the Bharatiya Janata Party and the Shiv Sena have a good political feud in the state. Today, Shiv Sena MP Sanjay Raut again addressed the BJP leaders through a front page article and the BJP leaders have also started replying. BJP MLA Ashish Shelar has drawn the attention of Sanjay Raut and Environment Minister Aditya Thackeray on this issue. BJP MLA Ashish Shelar tweeted harshly against Raut, Aditya Thackeray and Mumbai Police Commissioner Paramvir Singh.

News English Title: Arnab Goswami arrest BJP MLA Ashish Shelar again target Aaditya Thackeray News Updates.