कसलं बॉयकॉट चायना | Xiaomi'ने ३ महिन्यात 1.35 कोटी स्मार्टफोन्स विकले

नवी दिल्ली, ७ नोव्हेंबर: देशातील सामान्य लोकांचं आणि तरुणाईचं मोबाईल वेड खूप मोठं असून त्यासाठी भारतीय खूप पैसा खर्च करत असतात. काही महिन्यांपूर्वी पारंपरिक शत्रू राष्ट्र असलेल्या चीन सोबत भारताचे संबंध अत्यंत टोकाला जाऊन युद्धाच्या धमक्यांवर जाऊन पोहोचले होते.

त्यानंतर भारतीयांनी देखील समाज माध्यमांवर बॉयकॉट चायनाचा नारा दिला होता. मात्र त्यानंतर दिसून आलेल्या देशभक्ती चायनीस मोबाईल प्रेमापुढे कुचकामी ठरली आहे. कारण भारतात चिनी कंपन्या मागील काही दिवसांपासून त्यांच्या मोबाईलची रेकॉर्डब्रेक विक्री करत आहेत. चिनी मोबाईल कंपनी शाओमी इंडियाने (Xiaomi India) मागील ३ महिन्यांत देशभरातील मोठं मार्केट काबीज केलं आहे.

ग्लोबल रिसर्च फर्म इंटरनॅशनल डेटा कॉर्पोरेशनच्या (IDC Report) रिपोर्टनुसार यावर्षीच्या तिसऱ्या तिमाहित भारतात तब्बल ५.४३ कोटी स्मार्टफोन्सची विक्री झाली आहे. या रिपोर्टचा विचार केला तर दरवर्षीच्या तुलनेत भारतातील मोबाईल विक्रीत तब्बल १७ टक्क्यांची एवढी प्रचंड वाढ झाली आहे. तर दुसऱ्या बाजूला चीन आणि अमेरिकेत मात्र मोबाईलच्या विक्रीत मोठी घट झाली आहे.

रिपोर्टमधील माहितीनुसार भारतात विक्री करणाऱ्या मोबाईल कंपन्यांमध्ये Xiaomi कंपनी सर्वात वर आहे. यावर्षीच्या तिसऱ्या तिमाहित शाओमीने भारतात 13.5 मिलियन (1.35 कोटी) मोबाईल्सची विक्री केली आहे. शाओमीच्या Redmi 8A Dual, Redmi 8 आणि Redmi Note 9 या मोबाईल्सना भारतीय ग्राहकांनी सर्वाधिक पसंती दर्शवली आहे. या तिमाहित शाओमीचा सब ब्रॅण्ड Poco च्या 10 लाख स्मार्टफोन्सची विक्री झाली आहे. भारतातील ऑनलाईन मार्केटमध्ये एकट्या शाओमीचा तब्बल 35 टक्के वाटा आहे.

News English Summary: In India, Chinese companies have been selling record-breaking mobile phones for the past few days. Chinese mobile company Xiaomi India has captured a large market across the country in the last three months. According to a report by global research firm International Data Corporation (IDC Report), India sold 5.43 crore smartphones in the third quarter of this year. According to the report, mobile sales in India have grown by a whopping 17 per cent year-on-year. On the other hand, mobile sales in China and the United States have fallen sharply.

News English Title: Xiaomi smartphone captured Indian market now Samsung becomes second News Updates.