बँकेत खातं आहे का? | संकटातील लक्ष्मी विलास बँकेवर आरबीआयचे निर्बंध

मुंबई, १७ नोव्हेंबर: आणखी एक बँक आर्थिक संकटात सापडली आहे. रिझर्व बँकेने केंद्र सरकारशी केलेल्या सल्ला मसलतीनंतर लक्ष्मी विलास बँकेवर निर्बंध (laxmi vilas bank under moratorium) आणले आहेत. आता खातेदार बँकेतून 25 हजारांपेक्षा अधिक रक्कम काढू शकणार नाहीत. 30 दिवसांसाठी हे निर्बंध (moratorium)असतील. LVB चं संचालक मंडळ (Board of Directors LVB) रिझर्व बँकेने (RBI) बरखास्त केलं आहे.

लक्ष्मी विलास बँकेची आर्थिक स्थिती डबघाईला आलेली आहे, असं लक्षात आल्यानंतर रिझर्व बँकेने केंद्र सरकारशी चर्चा सुरू केली. आता सरकारने या बँकेवर 16 डिसेंबरपर्यंत निर्बंध आणले आहेत. रिझर्व बँकेच्या सल्ल्यने अर्थ मंत्रालयाने यासंबंधी बँकेला नोटीस देऊन हा निर्णय जाहीर केला आहे. बँक दिवाळखोरीत निघण्याच्या जवळ पोहोचू नये, यासाठी असे कठोर निर्णय आवश्यक असल्याचं सांगितलं जातं. सध्या कॅनरा बँकेचे माजी कार्यकारी अध्यक्ष टी. एन. मनोहरन यांंना लक्ष्मी विलास बँकेवर प्रशासक म्हणून नेमण्यात आलं आहे.

The Lakshmi Vilas Bank Ltd. placed under Moratoriumhttps://t.co/wW8DaBygJX

— ReserveBankOfIndia (@RBI) November 17, 2020

आज संध्याकाळी ६ पासून लक्ष्मी विलास बँकेवर निर्बंध लागू झाले असल्याचे रिझर्व्ह बँकेने म्हटलं आहे. मागील तीन वर्षे लक्ष्मी विलास बँकेला तोटा झाला आहे. बँकेच्या बुडीत कर्ज मोठी वाढ झाली आहे. बॅंकेची व्यावसायिक रणनीती सपशेल अपयशी ठरल्याने रिझर्व्ह बँकेला आज कारवाई करावी लागली आहे. येत्या १६ डिसेंबरपर्यंत खातेदारांना केवळ २५ हजार रुपये काढता येणार आहेत. रिझर्व्ह बँकेने लक्ष्मी विलास बँकेचे संचालक मंडळ बरखास्त केलं असून त्यावर प्रशासकाची नियुक्ती करण्यात आली आहे.

Supersession of the Board of Directors – Appointment of Administrator – The Lakshmi Vilas Bank Ltdhttps://t.co/x8Hc5SdFzj

— ReserveBankOfIndia (@RBI) November 17, 2020

News English Summary: Another bank has found itself in a financial crisis. The Reserve Bank of India (RBI) has imposed laxmi vilas bank under moratorium after consulting the central government. Now account holders will not be able to withdraw more than Rs 25,000 from the bank. These restrictions will be for 30 days (moratorium). The Board of Directors of LVB has been dismissed by the Reserve Bank of India (RBI).

News English Title: Lakshmi Vilas Bank under moratorium for 30 days withdrawals limit of rupees 25 thousand board of directors suspended by RBI News updates.