भ्रष्टाचाराचे आरोप | सरकार स्थापनेच्या तिसऱ्याच दिवशी बिहारच्या शिक्षणमंत्र्यांचा राजीनामा

पाटणा, १९ नोव्हेंबर: नितीश कुमार मंत्रिमंडळात नुकताच पार पडलेल्या शपथविधीत जबाबदारी स्वीकारणाऱ्या बिहारच्या शिक्षणमंत्र्यांना ( Education Minister) अखेर आपल्या मंत्रीपदाचा राजीनामा दिलाय. ६३ वर्षीय जेडीयू नेते डॉ. मेवालाल चौधरी (JDU Education Minister Mewalal Chaudhary Resign) यांनी भ्रष्टाचाराच्या आरोपानंतर आपल्या मंत्रीपदाचा राजीनामा सुपूर्द केला आहे.

मंत्रीपदाचा राजीनामा देताना मेवालाल चौधरी यांनी त्यांच्यावर झालेल्या आरोपांना उत्तरही दिले आहे. कोणताही खटला तेव्हा सिद्ध होतो, जेव्हा तुमच्या विरोधात आरोपपत्र दाखल झाले आहे किंवा न्यायालयाने काही निर्णय दिला आहे. माझ्या विरोधात आरोपपत्रही नाही आणि गुन्ह्याची नोंदही झालेली नाही.

Bihar Education Minister Mewa Lal Choudhary resigns. pic.twitter.com/Uo8K5bbIHB

— ANI (@ANI) November 19, 2020

दरम्यान, या अगोदर बिहारचे माजी मुख्यमंत्री व राजदचे सुप्रिमो लालू प्रसाद यादव यांनी देखील, सहायक प्राध्यपक नियुक्तीत भ्रष्टाचाराचा आरोप असलेल्या व्यक्तीस शिक्षणमंत्री बनवण्यात आल्यावरून मुख्यमंत्री नितीश कुमार व भाजपावर निशाणा साधला होता. ”दुर्देवं पहा जे भाजपावाले कालपर्यंत मेवालालचा शोध घेत होते, आज मेवा मिळाताच त्यांनी मौन बाळगलं आहे.” असं लालू प्रसाद यादव यांनी म्हटलं होतं.

मेवालाल चौधरी २०१५ साली पहिल्यांदाच जदयूकडून आमदार झाले होते. याआधी ते शिक्षकाची नोकरी करत होते. विद्यापीठाचे कुलगुरू असतानच्या काळात त्यांनी २०१२ साली सहाय्यक प्राध्यापक आणि कनिष्ठ वैज्ञानिकांच्या पदांच्या भरतीसाठी पदाचा गैरवापर केला, असा आरोप त्यांच्यावर करण्यात आला. त्यानंतर २०१७ साली याप्रकरणी सबौर पोलीस ठाण्यात याबाबत गुन्हा दाखल करण्यात आला होता. दरम्यान, या प्रकरणात त्यांना अटकपूर्व जामीन मिळाला होता आणि आजवर त्यांच्याविरोधात कोर्टात चार्जशीट दाखल करण्यात आलेली नाही.

News English Summary: Bihar’s Education Minister, who took charge in the recent swearing-in of Nitish Kumar’s cabinet, has finally resigned. 63-year-old JDU leader Dr. JDU Education Minister Mewalal Chaudhary has resigned following allegations of corruption.

News English Title: Bihar Education Minister Mewa Lal Choudhary ultimately resigns News updates.