कल्याण पत्रीपूल | चीन जेवढ्या वेळेत हायवे आणि धरणं उभारतं | पण शिवसेना...

कल्याण, २२ नोव्हेंबर: फेब्रुवारी २०२० पर्यंत कल्याणचा पत्रीपूल सुरू होणार, इतकंच नाही तर या पुलाच्या बाजूला आणखी एक नवा पूल उभारणार असल्याची पोश्टरबाजी शिवसेनेने २०१९ मधील विधानसभा निवडणुकीत केली होती. म्हणजे कोरोनाची देशात कल्पनाही नसताना त्यापूर्वी पत्रीपूल पूर्ण होणार होता असं वचन शिवसेनेने दिलं होतं. खासदार श्रीकांत शिंदे आणि एमएसआरडीसीच्या अधिकाऱ्यांनी पुलाची पाहणी केली होती.

पूल जीर्ण झाल्याने नोव्हेंबर 2018 मध्ये हा पूल पाडण्यात आलेला. त्यानंतर प्रचंड वाहतूक कोंडीचा सामना कल्याण-डोंबिवलीकरांना करावा लागला होता. त्या त्रासाचं मार्केटिंग करत शिवसेनेने तशीच होर्डिंगबाजी विधानसभा निवडणुकीत केली होती आणि त्याच होर्डिंगवर काम केव्हा पूर्ण करणार त्याची तारीखही जाहीर केली होती. म्हणजे जवळपास ९ महिने आधीच हा पूल पूर्ण होणे अपेक्षित असताना शिवसेनेने त्यासाठी इतका प्रचंड वेळ घेतला की त्यावेळेत चीन सारखा देश दोन हायवे आणि ३ धरणं बांधून पूर्ण करतो.

मात्र आता या पुलाचे गर्डर उभारण्याचं काम पूर्णत्वास आलं असून शिवसेनेकडून त्याचं असं काही मार्केटिंग सुरु आहे जणू काही कल्याणमध्ये मेट्रो ट्रेन धावणार आहे. त्यामुळे निवडणुकीत स्थानिकांच्या प्रवासावेळी होणाऱ्या त्रासाचं जसं मार्केटिंग केलं तसंच आता लवकरच वाहतूक कोंडीतून कल्याण-डोंबिवलीकरांची सुटका होणार असल्याने पुन्हा त्यांच्या आनंदाचं दुसरं मार्केटिंग सुद्धा सुरु झालं आहे.

वास्तविक पत्री पुलाला जोडणाऱ्या ९० फुटाच्या रस्त्याचा प्रश्नही अद्याप प्रलंबित आहे. कल्याणमधील पत्री पुलाच्या गर्डर लाँचिंगचं काम आज सुरु झालं आता पुढचे दोन दिवस हे काम चालणार आहे. या लाँचिंगच्या वेळी पर्यावरण मंत्री आदित्य ठाकरे, ठाणे जिल्ह्याचे पालकमंत्री एकनाथ शिंदे, खासदार श्रीकांत शिंदे, आमदार विश्वनाथ भोईर यांच्यासह शिवसेना नगरसेवक, पदाधिकारी या ठिकाणी उपस्थित होते. आदित्य ठाकरेंच्या उपस्थितीवर मनसेने टीका केली आहे.

News English Summary: The Shiv Sena had made a poster campaign in the 2019 Assembly elections that the Kalyan bridge would be started by February 2020 and another new bridge would be built next to this bridge. In other words, Shiv Sena had promised that the bridge would be completed before Corona had no idea in the country. MP Shrikant Shinde and MSRDC officials had inspected the bridge. The bridge was demolished in November 2018 due to dilapidation. After that, Kalyan-Dombivali residents had to face a huge traffic jam. Shiv Sena had marketed the same hoarding in the Assembly elections.

News English Title: Kalyan Patri bridge guarder launching event of Shivsena News updates.