कठुआत चिमुकलीवर मंदिरात सामुहिक बलात्कार झाला तेव्हा तुमचं रक्त खवळलं नाही आणि आता....

मुंबई, २६ नोव्हेंबर: जगप्रसिद्ध दिग्दर्शिका मीरा नायर यांची मिनी सीरीज ‘अ सुटेबल बॉय’ (Film Director Mira Nayar’s mini series ‘A Suitable Boy’) काही महिन्यांपूर्वी बीबीसीवर दाखवली गेली होती. आता गेल्या महिन्यात नेटफ्लिक्सवर रिलीज करण्यात आली. ही सीरीज वादात सापडली असून भारतीय जनता पक्षाच्या नेत्याने यावर एफआयआर दाखल केला आहे. त्यांचा आरोप आहे की, ईशान खट्टर आणि तबूने धार्मिक भावना दुखावल्या आहेत. यावर आता अभिनेत्री स्वरा भास्करने या सीरीजला विरोध करणाऱ्यांची बोलती बंद करणारा प्रश्न विचारला आहे.

समाज माध्यमांवर बॉयकॉट अ सुटेबल बॉय हा हॅशटॅक ट्रेण्ड (Boycott A Suitable Boy in trend) होत असताना स्वराने कठुआ सामुहिक बलात्कार आणि खून प्रकरणाचं उदाहरण देत या सीरिजला पाठिंबा दिला. त्यानंतर तिला नेटकऱ्यांनी चांगलंच ट्रोल केलं आहे.

“ज्यावेळी कठुआमध्ये ८ वर्षाच्या चिमुकलीवर मंदिरात सामुहिक बलात्कार करण्यात आला त्यावेळी जर रागाने तुमचं रक्त खवळलं नसेल आणि तुमच्या संतापाचा उद्रेक झाला नसेल तर आता मंदिरात झालेल्या किसिंग सीनविषयी बोलण्याचा तुम्हाला काहीच अधिकार नाहीये”, असं ट्विट स्वराने (Swara Bhaskar twit on ‘A Suitable Boy’) केलं.स्वराचं हे ट्विट पाहिल्यानंतर अनेकांनी तिला ट्रोल करण्यास सुरुवात केली आहे.

If the actual #Kathua gangrape of an 8 year old child inside a temple didn’t make your blood boil and soul shrivel; you have no right to be offended about a fictionalised depiction of a kiss in a temple. #fact #ASuitableBoy #BoycottNetflixIndia

— Swara Bhasker (@ReallySwara) November 25, 2020

News English Summary: If the actual Kathua gangrape of an 8 year old child inside a temple didn’t make your blood boil and soul shrivel; you have no right to be offended about a fictionalized depiction of a kiss in a temple said Bollywood actress Swara Bhaskar.

News English Title: Bollywood actress Swara Bhasker twit on A suitable boy kiss scene inside temple controversy News updates.