मराठा आरक्षण | भाजपच्या काळातील वकीलच सुप्रीम कोर्टात लढवत आहेत | तरीही जाणीवपूर्वक...

सातारा, १ डिसेंबर: मराठा व धनगर आरक्षणाच्या प्रश्नावरून सातारच्या गादीचे वारसदार आणि भारतीय जनता पक्षाचे खासदार उदयनराजे भोसले (BJP MP Udayanraje Bhonsale) आणि राष्ट्रवादी काँग्रेस यांच्यात राजकीय आरोप प्रत्यारोप सुरु झाले आहेत. फडणवीसांच्या कार्यकाळात मराठा आणि धनगर समाजाचे आरक्षणासाठी मोर्चे निघाले होते. तेव्हा फडणवीसांनी हे प्रश्न मार्गी का लावले नाहीत, असा प्रतिप्रश्न पश्चिम महाराष्ट्रातील राष्ट्रवादी काँग्रेसचे दिग्गज आमदार शशिकांत शिंदे (NCP MLA Shashikant Shinde) यांनी उपस्थित केला आहे.

महाविकास आघाडी सरकारला मराठा समाजाला आरक्षण देता येत नसेल तर विरोधी पक्षनेते देवेंद्र फडणवीस यांच्या हातात सत्ता द्या. मराठा समाजाला आरक्षण (Maratha Rseervation) देण्याची हमी मी देतो, असे जाहीर वक्तव्य भारतीय जनता पक्षाचे राज्यसभेचे खासदार उदयनराजे भोसले यांनी अलिकडेच केले आहे. त्यावर राष्ट्रवादीचे आमदार शशिकांत शिंदे यांनी प्रतिप्रश्न करून सडेतोड उत्तर दिलं आहे.

भारतीय जनता पक्षाच्या काळात मराठा आरक्षणासाठी नेमण्यात आलेले संबंधित वकीलच आता देखील हा खटला सुप्रीम कोर्टात लढवत आहेत. मात्र तरी देखील याप्रश्नी जाणीवपूर्वक राजकारण करण्यात येते. मराठा आरक्षणाचा प्रश्न वाढावा आणि चिघळवण्याचा जाणीवपूर्वक प्रयत्न केला जात असून भारतीय जनता पक्ष देशात अस्थिरता निर्माण करण्याचा प्रयत्न करत आहे, असा गंभीर आरोप देखील आमदार शशिकांत शिंदे यांनी केला आहे.

News English Summary: Concerned lawyers appointed for Maratha reservation during the Bharatiya Janata Party are still fighting the case in the Supreme Court. But even then, the issue is deliberately politicized. MLA Shashikant Shinde has also made a serious allegation that the Bharatiya Janata Party (BJP) is trying to create instability in the country by deliberately trying to increase and simmer the issue of Maratha reservation.

News English Title: NCP MLA Shashikant Shinde asks question to MP Udayanraje Bhosale over Maratha Reservation and Dhangar reservation News updates.