राज ठाकरेंच्या बर्थडेनिमित्त, मनसेकडून पेट्रोल ४ रुपयांनी स्वस्त

मुंबई : मनसे अध्यक्ष राज ठाकरे यांचा १४ जून रोजी वाढदिवस असून त्यानिमित्ताने महाराष्ट्र नवनिर्माण सेनेकडून पेट्रोलवर ४ रुपयांची सवलत देण्यात येणार आहे. मुंबईतल्या एकूण ३६ विधानसभा मतदारसंघातील प्रत्येकी एका पेट्रोल पंपावर ही सूट देण्यात येईल असं मनसेचे सरचिटणीस संदीप देशपांडे यांनी स्पष्ट केलं आहे.

गेले काही दिवस देशभरात पेट्रोल आणि डिझेलचे दर गगनाला भिडले आहेत. केंद्र सरकारने सुद्धा हे दर वाढतच राहणार असं स्पष्ट केल आहे. त्यामुळे एकूणच वाहन मालक पुरते हैराण झाले आहेत.

केंद्रात आणि राज्यात भाजपचं सरकार असताना पेट्रोलचे दर कमी करण्यात केंद्र सरकारला अपयश येत असल्याची टीका मनसेचे सरचिटणीस संदीप देशपांडे यांनी केली आहे. राज ठाकरे यांच्या वाढदिवसाचे औचित्य साधून मुंबईतील एकूण ३६ विधानसभा मतदारसंघातील प्रत्येकी एका पेट्रोल पंपावर मनसेकडून ही सूट देण्यात येईल असं संदीप देशपांडे यांनी स्पष्ट केलं आहे.

मनसे सत्तेत नसली तरी सामान्य मुंबईकरांच्या मदतीला एक दिवस का होईना थोडा दिलासा देणार आहेत. त्यामुळे तरुणांमध्ये या घोषणेची चर्चा रंगली आहे. सत्ताधारी देऊ शकत नसले तरी, मनसेने एक दिवस का होईना पण मुंबईकरांना जर पेट्रोल सवलतीचा थोडासा दिल्यास ही ‘मनसे सवलत’ भाजपला चांगलीच अडचणीची ठरू शकते. कारण मनसेने फक्त टीकाच केली नाही तर १ दिवस का असेना, पेट्रोल दरात ४ रुपये एवढी मोठी सवलत देत मुंबईतील ३६ ठिकाणी ४ रुपयांनी स्वस्त पेट्रोल देण्यात येणार आहे.

pic.twitter.com/wmxny1Yr1a

— Sandeep Deshpande (@SandeepDadarMNS) May 29, 2018