भंडारा-गोंदिया मध्ये राष्ट्रवादीचा भाजपला धोबीपछाड

भंडारा-गोंदिया : भंडारा-गोंदिया मतमोजणीत भाजप आणि राष्ट्रवादीमध्ये अत्यंत चुरशीची लढत झाली. परंतु अखेर राष्ट्रवादीने भाजपला या लोकसभा पोटनिवडणुकीत ४० हजारांपेक्षा अधिक मताधिक्याने पराभवाची धूळ चारली आहे. राष्ट्रवादीचे उमेदवार मधुकर कुकडे यांनी भाजप उमेदवारावर विजय संपादन केला आहे.

एकूणच भंडारा-गोंदियाचा निकाल हा राष्ट्रवादीसाठी आत्मविश्वास वाढविणारा ठरणार असला तरी भाजपसाठी विदर्भातून आगामी निवडणुका लक्ष्यात घेता ही धोक्याची घंटा म्हणावी लागेल. त्यामुळे या निकालाने राष्ट्रवादी अधिक जोमाने विदर्भात कामाला लागेल.

एकूणच चुरशीची ठरलेली भंडारा-गोंदिया लोकसभा पोटनिवडणूक राष्ट्रवादीसाठी आगामी निवडणुकीत सकारात्मक संदेश देणारी ठरली असली तरी पालघर निवडणुकीतील काँग्रेसची अवस्था बघता, २०१९ मध्ये सत्ता मिळविण्यासाठी ही आघाडी त्यांना किती फलदायी ठरेल हे सांगणं कठीण आहे.